ЗАКОН КЫРГЫЗСКОЙ РЕСПУБЛИКИ

 2008-жылдын 28-апрели № 73

Кыргыз Республикасынын айрым мыйзам актыларына өзгөртүүлөр киргизүү жөнүндө

1-берене.

"Экспорттук контроль жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2003-ж., № 3, 135-ст.) төмөнкүдөй өзгөртүүлөр киргизилсин:

6-статьянын 1-бөлүгү төмөнкүдөй редакцияда баяндалсын:

"Контролдо турган продукциялардын Кыргыз Республикасынын Улуттук контролдук тизмеси Кыргыз Республикасынын Өкмөтү тарабынан аныкталат жана Кыргыз Республикасынын Президентинин Жарлыгы менен бекитилет.".

8-статьянын 1-бөлүгүнүн алтынчы абзацы төмөнкү редакцияда берилсин:

"Контролдо турган продукциялардын Кыргыз Республикасынын Улуттук контролдук тизмеси, ошондой эле контролдо турган продукцияларды экспортко, импортко жана реэкспортко сандык чектөөлөр жана ошол экспортко чыгарууга тыюу салынган же чектелген өлкөлөрдүн тизмеси боюнча сунуштар Кыргыз Республикасынын Президентине бекитүүгө киргизилет;".

2-берене.

"Лицензия жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1997-ж., № 3, 126-ст.) төмөнкүдөй өзгөртүүлөр киргизилсин:

Мыйзамдын текстинин бардык жериндеги ар кандай жөндөмөдөгү "Мыйзам чыгаруу жыйыны" деген сөздөр алып салынсын;

10-статьянын 1-пунктунун үчүнчү абзацындагы "Кыргыз Республикасынын Жогорку Кеңеши тарабынан бекитилүүчү" деген сөздөр "Кыргыз Республикасынын Президенти тарабынан бекитилген" деген сөздөргө алмаштырылсын.

Ушул Мыйзам расмий жарыяланган күндөн тартып күчүнө кирет.