КЫРГЫЗ РЕСПУБЛИКАСЫНЫН УБАКТЫЛУУ ӨКМӨТҮНҮН ДЕКРЕТИ

2010-жылдын 19-июну УӨ № 76

Ош жана Жалал-Абад шаарларын калыбына келтирүү боюнча биринчи кезектеги чаралар жөнүндө

2010-жылдын июнундагы окуялардан жабыркаган Ош жана Жалал-Абад шаарларын тез арада калыбына келтирүүгө жардам көрсөтүү, ошондой эле жарандардын жашоо-турмушу, уюмдардын, мекемелердин жана ишканалардын иштеши үчүн зарыл шарттарды түзүү максатында Кыргыз Республикасынын Убактылуу Өкмөтү ушул Декретти кабыл алат:

1. Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекция (мындан ары - Мамлекеттик дирекция)түзүлсүн.

2. Мамлекеттик дирекциянын башкы директорун Кыргыз Республикасынын Убактылуу Өкмөтүнүн Төрагасы дайындайт жана анда Кыргыз Республикасынын Убактылуу Өкмөтүнүн Төрагасынын орун басарынын статусу, Кыргыз Республикасынын Өкмөтүнүн жаңы курамы түзүлгөндөн кийин - Кыргыз Республикасынын вице-премьер-министринин статусу болот.

3. Мамлекеттик дирекциянын башкы директору төмөнкүлөрдү Кыргыз Республикасынын Убактылуу Өкмөтүнүн бекитүүсүнө киргизсин:

- бир апталык мөөнөттө Мамлекеттик дирекция жөнүндө жобонун, анын түзүмүнүн жана штаттык расписаниесинин долбоорлорун;

- Ош жана Жалал-Абад шаарларын калыбына келтирүү жана өнүктүрүү боюнча программанын долбоорун;

- төмөнкүлөрдү түзүү боюнча сунуштарды:

Ош жана Жалал-Абад шаарларын калыбына келтирүү жана өнүктүрүү боюнча программаны ишке ашыруу үчүн республикалык бюджеттин каражаттарын жана Кыргыз Республикасынын мыйзамдарында тыюу салынбаган башка каражаттарды топтоочу атайын фондду;

жогоруда аталган Атайын фонддун каражаттарын сарптоону контролдоо боюнча байкоо кеңешин.

4. Кыргыз Республикасынын Президентинин Иш башкармасы Мамлекеттик дирекцияны түзүү боюнча бардык уюштуруучу-техникалык жана финансылык маселелерди эки апталык мөөнөттө чечсин.

5. Кыргыз Республикасынын Финансы министрлиги:

- Кыргыз Республикасынын республикалык бюджетинде Мамлекеттик дирекциянын ишин каржылоо үчүн зарыл каражаттарды караштырсын;

- "Кыргыз Республикасынын 2010-жылга республикалык бюджети жана 2011-2012-жылдарга болжолу жөнүндө" Кыргыз Республикасынын Мыйзамына тийиштүү өзгөртүүлөрдү киргизсин.

6. Бул Декрет кол коюлган күндөн баштап күчүнө кирет.