КЫРГЫЗ РЕСПУБЛИКАСЫНЫН МЫЙЗАМЫ

2010-жылдын 15-марты № 50

"Кыргыз Республикасынын Өкмөтүнүн Кыргыз Республикасынын Улуттук Банкынын алдындагы карызын кайра структуралаштыруу жөнүндө" Кыргыз Республикасынын Мыйзамына толуктоо жана өзгөртүү киргизүү тууралу

1-берене.

"Кыргыз Республикасынын Өкмөтүнүн Кыргыз Республикасынын Улуттук Банкынын алдындагы карызын кайра структуралаштыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1998-ж., № 9, 325-ст.) төмөнкүдөй толуктоо жана өзгөртүү киргизилсин:

1. 4-статья төмөнкүдөй мазмундагы 4-пункт менен толукталсын:

"4. Кыргыз Республикасынын Өкмөтүнүн МКСЗО боюнча карызы Кыргыз Республикасынын Өкмөтүнүн башка мамлекеттик баалуу кагаздарына кайрадан жол-жоболоштурулушу мүмкүн.".

2. 6-статья төмөнкүдөй редакцияда баяндалсын:

"6-статья.

Кыргыз Республикасынын Өкмөтүнүн 619000000,00 сом өлчөмүндөгү жөнөкөй вексели Кыргыз Республикасынын Улуттук банкынын уставдык капиталын көбөйтүү үчүн башка мамлекеттик баалуу кагаздарга кайра жол-жоболоштурулат.".

2-берене.

Ушул Мыйзам расмий жарыяланган күндөн тартып күчүнө кирет.