КР 2016-жылдын 16-майындагы № 60 Мыйзамына ылайык 2017-жылдын 1-январынан тартып КҮЧҮН ЖОГОТОТ

КЫРГЫЗ РЕСПУБЛИКАСЫНЫН МЫЙЗАМЫ

2009-жылдын 15-июлу № 213

"Жергиликтүү өз алдынча башкаруунун финансы-экономикалык негиздери жөнүндө" Кыргыз Республикасынын Мыйзамына өзгөртүүлөр киргизүү тууралу

1-берене.

"Жергиликтүү өз алдынча башкаруунун финансы-экономикалык негиздери жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2004-жыл, № 2, 65-ст.) төмөндөгүдөй өзгөртүүлөр киргизилсин:

7-статьяда:

статьянын аталышы төмөнкүдөй редакцияда берилсин: "Трансферттер жана ыктыярдуу төгүмдөр";

4-пункттун биринчи абзацы төмөнкүдөй редакцияда берилсин:

"Бир бюджеттен башка бюджетке өз ара эсептешүү боюнча берилүүчү каражаттар:".

2-берене.

Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин.

3-берене.

Ушул Мыйзам расмий жарыяланган күндөн тартып күчүнө кирет.