КР 2018-жылдын 26-майындагы N 55 Мыйзамына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 23-июну № 52

"Жол фонду жөнүндө" Кыргыз Республикасынын Мыйзамына өзгөртүү киргизүү тууралуу

1-берене.

"Жол фонду жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1998-ж., № 9, 321-ст.) төмөнкүдөй өзгөртүү киргизилсин:

5-статьянын экинчи абзацы төмөнкүдөй редакцияда баяндалсын:

"Көрсөтүлгөн жыйымдардын 10 проценти калкты, автотранспорт каражаттарын, атайын технологиялык автомашиналарды, айдоочулар курамын, жарандык абалдын актыларын, ошондой эле кыймылсыз мүлккө укуктарды каттоо тармагындагы ыйгарым укуктуу мамлекеттик органдын өнүктүрүү жана материалдык камсыздоо фондуна жиберилет.".

2-берене.

Ушул Мыйзам расмий жарыяланган күндөн тартып күчүнө кирет.