КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 26-июлу № 146

"Электр энергетикасы жөнүндө" Кыргыз Республикасынын Мыйзамына толуктоо жана өзгөртүүлөр киргизүү жөнүндө

1-берене.

Электр энергетикасы жөнүндө Кыргыз Республикасынын Мыйзамына (Эркин Тоо" гезити, 1997-жылдын 12-февралы, № 8) төмөнкүдөй толуктоо жана өзгөртүүлөр киргизилсин:

1. 2-статья төмөнкүдөй мазмундагы бешинчи жана алтынчы абзацтар менен толукталсын:

"Ири электр энергетикалык өндүрүштүк кубаттуулуктар - 30 Мвт жогорку кубаттуулуктагы гидроэлектростанциялар, жылуулук станциялар.

Магистралдык электр тармак - электр энергиясын өндүрүүчүдөн жергиликтүү (локалдык) тармакка кошуучу пунктка чейин жеткизүүгө дайындалган электр тармагы.".

2. 9-статья төмөнкүдөй редакцияда баяндалсын:

"9-статья. Жаңы өндүрүштүк кубаттуулуктар

Ири электр энергетикалык өндүрүштүк кубаттуулуктарды куруу Улуттук энергетикалык программага ылайык же Кыргыз Республикасынын Өкмөтүнүн өзүнчө токтомуна ылайык ишке ашырылат.".

3. 19-статья төмөнкүдөй редакцияда баяндалсын:

"19-статья. Тендер өткөрүү жөнүндө жарыялоо

Компетенттүү мамлекеттик органдар, ири электр энергетикалык өндүрүштүк кубаттуулуктардан жана магистралдык электр тармактары участкаларынан тышкары, энергетикалык орнотмолорду курууга тендер өткөрүү жөнүндө жарыялайт.".

2-берене.

Ушул Мыйзам расмий жарыяланган күндөн тартып күчүнө кирет.