КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 16-декабры № 238

7-апрель - Элдик Апрель революциясы күнү жөнүндө

(КР 2016-жылдын 6-апрелиндеги № 34 Мыйзамынын редакциясына ылайык)

1-берене.

Өз Ата Мекени алдында жогорку патриоттук аң-сезимди, берилгендикти калыптандыруу жана жарандык жоопкерчиликти тарбиялоо, ошондой эле 2010-жылдын 7-апрелиндеги кайгылуу окуяларды Кыргыз Республикасынын элинин эсинде түбөлүк калтыруу максатында ушул күн жыл сайын Элдик Апрель революциясынын күнү деп белгиленсин.

(КР 2016-жылдын 6-апрелиндеги № 34 Мыйзамынын редакциясына ылайык)

2-берене.

Кыргыз Республикасынын Өкмөтү Кыргыз Республикасынын Мамлекеттик тарых музейинде апрель революциясынын күнү жөнүндө экспонаттарды жайгаштыруу менен туруктуу экспозиция уюштуруу боюнча чараларды көрсүн.

3-берене.

Ушул Мыйзам расмий жарыяланган күндөн тартып күчүнө кирет.