КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 16-декабры № 240

Кыргыз Республикасынын Администрациялык жоопкерчилик жөнүндө кодексине өзгөртүүлөрдү жана

толуктоолорду киргизүү тууралуу

1-берене.

Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кеңешинин Жарчысы, 1999-ж. № 2, 77-ст.) төмөнкүдөй өзгөртүүлөр жана толуктоолор киргизилсин:

1. 27-статьянын 7-пунктчасы төмөнкүдөй редакцияда баяндалсын:

"7) иштин белгилүү бир түрүн токтото туруу, объектти анын алгачкы калыбына келтирүү, объектти же болбосо анын бөлүгүн бузуу (демонтаждоо)".

2. 28-статьянын 2-пункту "токтото туруу" деген сөздөрдөн кийин "объектти анын алгачкы калыбына келтирүү, объектти же болбосо анын бөлүгүн бузуу (демонтаждоо)," деген сөздөр менен толукталсын.

3. 30-статьянын 5-бөлүгүндө "жыйырма" жана "жүз" деген сөздөр тиешелүүлүгүнө жараша "жүз" жана "эки жүз" деген сөздөргө алмаштырылсын.

4. 35-статья төмөнкүдөй редакцияда баяндалсын:

"35-статья. Иштин белгилүү бир түрүн токтото туруу, объектти анын

алгачкы калыбына келтирүү, объектти же болбосо анын

бөлүгүн бузуу (демонтаждоо)

Иштин белгилүү бир түрүн жүзөгө ашырууда Кыргыз Республикасынын мыйзамдарынын талаптары бузулган учурда, табылган бузууларды четтеткенге чейин иштин ушул түрү токтотула турушу мүмкүн, объект алгачкы калыбына келтирилиши же объект же болбосо анын бөлүгү бузулушу (демонтаждалышы) мүмкүн.".

5. 214-статья күчүн жоготту деп таанылсын.

6. 287-статьянын аталышы жана биринчи абзацы "жөнөтүү," деген сөздөн кийин "сатуу," деген сөз менен толукталсын.

7. 452-статья күчүн жоготту деп таанылсын.

8. 454-статья төмөнкүдөй редакцияда баяндалсын:

"454-статья. Объекттерди мыйзамсыз куруу жана колдо болгон

кыймылсыз мүлк объекттерин өзгөртүү

Кыргыз Республикасынын мыйзамдарында каралган тартипте уруксат албастан объекттерди куруу жана колдо болгон кыймылсыз мүлк объекттерин өзгөртүү, -

объектти анын алгачкы калыбына келтирүү же объектти же болбосо анын бөлүгүн бузуу (демонтаждоо) менен жарандарга - эсептик көрсөткүчтүн жүз өлчөмүндө, юридикалык жактарга - эки жүз өлчөмүндө администрациялык айып салууга алып келет.".

9. 455-статьяда:

экинчи абзац төмөнкүдөй редакцияда баяндалсын:

"объектти анын алгачкы калыбына келтирүү же объектти же болбосо анын бөлүгүн бузуу (демонтаждоо) менен жеке жактарга - эсептик көрсөткүчтүн элүү өлчөмүндө, кызматтык жана юридикалык жактарга - жүз өлчөмүндө администрациялык айып салууга алып келет.";

статья төмөнкүдөй мазмундагы 2-бөлүк менен толукталсын:

"Администрациялык жаза-чара колдонулгандан кийин ошол эле аракеттер бир жылдын ичинде кайра кайталанса, -

объектти анын алгачкы калыбына келтирүү же объектти же болбосо анын бөлүгүн бузуу (демонтаждоо) жана лицензиядан (уруксаттан) ажыратуу менен жеке жактарга - эсептик көрсөткүчтүн жүз өлчөмүндө, кызматтык жана юридикалык жактарга - эки жүз өлчөмүндө администрациялык айып салууга алып келет.".

10. 456-статьяда:

статьянын аталышында жана биринчи абзацында "кайра пландаштыруу" деген сөздөр алып салынсын;

экинчи абзацында "жыйырма" жана "жүз" деген сөздөр тиешелүүлүгүнө жараша "элүү" жана "жүз элүү" деген сөздөргө алмаштырылсын.

11. 457-статьянын экинчи абзацында "ондон жыйырма өлчөмүнө чейин" деген сөздөр "элүү өлчөмүндө" деген сөздөргө алмаштырылсын.

12. 458-статьянын экинчи абзацында "бештен он өлчөмүнө чейин" деген сөздөр "жыйырма өлчөмүндө" деген сөздөргө алмаштырылсын.

13. 462-статьянын экинчи абзацы төмөнкүдөй редакцияда баяндалсын:

"объектти алгачкы калыбына келтирүү же объектти же болбосо анын бөлүгүн бузуу (демонтаждоо) менен эсептик көрсөткүчтүн элүү өлчөмүндө администрациялык айып салууга алып келет.".

14. 463 жана 464-статьялар төмөнкүдөй редакцияда баяндалсын:

"463-статья. Жаңыдан салынуучу жана реконструкциялануучу

имараттардын жана курулмалардын бекемдигинин,

ишенимдүүлүгүнүн, туруктуулугунун, сейсмикалык

туруктуулугунун белгиленген деңгээлин жана алардын

эксплуатациялык көрсөткүчтөрүн камсыз кылбоо

Жаңыдан салынуучу жана реконструкциялануучу имараттардын жана курулмалардын бекемдигинин, ишенимдүүлүгүнүн, сейсмикалык туруктуулугунун белгиленген деңгээлин жана алардын эксплуатациялык көрсөткүчтөрүн камсыз кылбоо -

объектти же болбосо анын бөлүгүн бузуу (демонтаждоо) жана кетирилген бузууларды күнөөлүү жактардын эсебинен четтетүү менен жеке жактарга - эсептик көрсөткүчтүн элүү өлчөмүндө, юридикалык жактарга - жүз өлчөмүндө администрациялык айып салууга алып келет.

Администрациялык жаза-чара колдонулгандан кийин ошол эле аракеттер бир жылдын ичинде кайра кайталанса, -

жол берилген бузууларды четтетүү жана лицензиядан (уруксаттан) ажыратуу менен жеке жактарга - эсептик көрсөткүчтүн жүз өлчөмүндө, юридикалык жактарга - эки жүз өлчөмүндө администрациялык айып салууга алып келет.

464-статья. Долбоорду таркатуу, пайдалануу жана анын авторунун

уруксатысыз долбоорго өзгөртүүлөрдү киргизүү

Долбоорду таркатуу, пайдалануу жана анын авторунун уруксатын албай долбоорго өзгөртүүлөрдү киргизүү -

эсептик көрсөткүчтүн жыйырма өлчөмүндө администрациялык айып салууга алып келет.".

15. 465-статья күчүн жоготту деп таанылсын.

16. 466 жана 467-статьялар төмөнкүдөй редакцияда баяндалсын:

"466-статья. Объекттерди курууга техникалык жана мамлекеттик

көзөмөл жүргүзүүнүн тартибин бузуу

Курууга техникалык жана мамлекеттик көзөмөл жүргүзүүнүн тартибин бузуу, ошого тете ченемдерди бузуу менен аткарылган жумуштарга оң баа берүү, -

табылган бузууларды четтеткенге чейин курулушту токтото туруу менен жарандарга - эсептик көрсөткүчтүн элүү өлчөмүндө, кызмат адамдарына - эсептик көрсөткүчтүн жүз өлчөмүндө, юридикалык жактарга - эсептик көрсөткүчтүн эки жүз өлчөмүндө администрациялык айып салууга алып келет.

Ушул статьянын биринчи бөлүгүндө каралган ошол эле аракеттер администрациялык жаза-чара колдонулгандан кийин бир жылдын ичинде кайра кайталанса, -

жарандарга - эсептик көрсөткүчтүн жүз өлчөмүндө администрациялык айып салууга жана лицензиядан (уруксаттан) ажыратууга, кызмат адамдарына - эсептик көрсөткүчтүн эки жүз өлчөмүндө администрациялык айып салууга жана кызмат адамын ээлеген кызмат ордунан четтетүүгө, юридикалык жактарга - эсептик көрсөткүчтүн үч жүз өлчөмүндө администрациялык айып салууга жана лицензиядан (уруксаттан) ажыратууга алып келет.

467-статья. Курулушка жер участокторун бөлүү тартибин бузуу

Кызмат адамы тарабынан курулушка жер участокторун берүү тартибин

бузуу -

жер участогун берүү жөнүндө чечимди кийин жокко чыгаруу менен эсептик көрсөткүчтүн жүз өлчөмүндө администрациялык айып салууга алып келет.

Ушул статьянын биринчи бөлүгүндө каралган ошол эле аракеттер администрациялык жаза-чара колдонулгандан кийин бир жылдын ичинде кайра кайталанса, -

кызмат адамын ээлеген кызмат ордунан четтетүү менен эсептик көрсөткүчтүн эки жүз өлчөмүндө администрациялык айып салууга алып келет.".

17. 468-статьянын экинчи абзацында "ондон жыйырма өлчөмүнө чейин" деген сөздөр "жүз өлчөмүндө" деген сөздөргө алмаштырылсын.

18. 468-1-статьяда:

1-бөлүктүн экинчи абзацы төмөнкүдөй редакцияда баяндалсын:

"жол берилген бузууну четтетүү менен жарандарга - эсептик көрсөткүчтүн элүү өлчөмүндө, юридикалык жактарга - эсептик көрсөткүчтүн эки жүз өлчөмүндө администрациялык айып салууга алып келет.";

2-бөлүк төмөнкүдөй редакцияда баяндалсын:

"Ушул статьянын биринчи бөлүгүндө каралган ошол эле аракеттер администрациялык жаза-чара колдонулгандан кийин бир жылдын ичинде кайра кайталанса, -

жол берилген бузууну четтетүү жана лицензиядан (уруксаттан) ажыратуу менен жарандарга - эсептик көрсөткүчтүн жүз өлчөмүндө, юридикалык жактарга - эсептик көрсөткүчтүн беш жүз өлчөмүндө администрациялык айып салууга алып келет.".

19. 469-статья төмөнкүдөй редакцияда баяндалсын:

"469-статья. Кызмат адамдары тарабынан объекттерди долбоорлоого

архитектуралык-пландоо, инженердик-техникалык

шарттарды берүүнүн тартибин бузуу

Кызмат адамдары тарабынан объекттерди долбоорлоого архитектуралык-пландоо, инженердик-техникалык шарттарды берүүнүн тартибин бузуу, -

жол берилген бузууну четтетүү менен эсептик көрсөткүчтүн жүз өлчөмүндө администрациялык айып салууга алып келет.

Администрациялык жаза-чара колдонулгандан кийин ошол эле аракеттер бир жылдын ичинде кайра кайталанса, -

кызмат адамын ээлеген кызмат ордунан четтетүү менен эсептик көрсөткүчтүн эки жүз өлчөмүндө администрациялык айып салууга алып келет.".

20. 471-статьяда:

1-бөлүктүн экинчи абзацы төмөнкүдөй редакцияда баяндалсын:

"экспертизанын корутундусун жокко чыгаруу менен жарандарга - эсептик көрсөткүчтүн жетимиш өлчөмүндө, кызмат адамдарына - эсептик көрсөткүчтүн жүз өлчөмүндө, юридикалык жактарга - эсептик көрсөткүчтүн эки жүз өлчөмүндө администрациялык айып салууга алып келет.";

2-бөлүк төмөнкүдөй редакцияда баяндалсын:

"Ушул статьянын биринчи бөлүгүндө каралган ошол эле аракеттер администрациялык жаза-чара колдонулгандан кийин бир жылдын ичинде кайра кайталанса, -

адисти сертификатынан ажыратуу менен жарандарга - эсептик көрсөткүчтүн жүз өлчөмүндө, кызмат адамдарына - кызмат адамын ээлеген кызмат ордунан четтетүү менен эсептик көрсөткүчтүн эки жүз өлчөмүндө, юридикалык жактарга - экспертизанын корутундусун жокко чыгаруу менен эсептик көрсөткүчтүн беш жүз өлчөмүндө администрациялык айып салууга алып келет.".

21. 474-476-статьялар төмөнкүдөй редакцияда баяндалсын:

"474-статья. Куруу процессинде курулуш-монтаждоо иштерин жүргүзүү

эрежелерин, техникалык регламенттерди бузуу, ошондой

эле курулушту долбоордук документациялардан четтөө

менен ишке ашыруу

Сапатсыз курулуш продукцияларын чыгарууга алып келген курулуш-монтаждоо иштерин жүргүзүү эрежелерин, техникалык регламенттерди бузуу, ошондой эле курулушту долбоордук документациялардан четтөө менен ишке ашыруу, -

жол берилген бузууну четтетүү менен жарандарга - эсептик көрсөткүчтүн элүү өлчөмүндө, юридикалык жактарга - эсептик көрсөткүчтүн жүз өлчөмүндө администрациялык айып салууга алып келет.

Ушул статьянын биринчи бөлүгүндө каралган ошол эле аракеттер бир жылдын ичинде кайра кайталанса, -

жол берилген бузууну четтетүү жана лицензиядан (уруксаттан) ажыратуу менен жарандарга - эсептик көрсөткүчтүн жүз өлчөмүндө, юридикалык жактарга - эсептик көрсөткүчтүн эки жүз өлчөмүндө администрациялык айып салууга алып келет.

475-статья. Бүткөрүлгөн курулуш объекттердин жана кыймылсыз мүлк

объекттерин өзгөртүүлөрдүн ылайыктуулугун баалоонун

тартибин бузуу

Бүткөрүлгөн объекттердин жана кыймылсыз мүлк объекттерин өзгөртүүлөрдүн ылайыктуулугун баалоонун тартибин бузуу, ошого тете техникалык регламенттерге жана долбоордук документацияларга ылайык келбеген объекттерге оң бааларды берүү, -

кызмат адамын ээлеген кызмат ордунан четтетүү менен эсептик көрсөткүчтүн эки жүз өлчөмүндө администрациялык айып салууга алып келет.

Курулуш объектинин ылайыктуулугу жөнүндө так эмес кабарландыруу (билдирүү) берүү, -

жол берилген бузууну четтетүү менен жарандарга - эсептик көрсөткүчтүн жүз өлчөмүндө, юридикалык жактарга - эсептик көрсөткүчтүн эки жүз өлчөмүндө администрациялык айып салууга алып келет.

476-статья. Курулушу жаңы бүткөрүлгөн объекттин жана кыймылсыз

мүлк объекттерин өзгөртүүнүн ылайыктуулугун оң

баалоосуз объектти пайдалануу

Курулушу жаңы бүткөрүлгөн объекттин жана кыймылсыз мүлк объекттерин өзгөртүүнүн ылайыктуулугун оң баалоосуз объектти пайдалануу -

белгиленген тартипте анын ылайыктуулугу баалаганга чейин объектти пайдаланууну токтото туруу менен жарандарга - эсептик көрсөткүчтүн элүү өлчөмүндө, юридикалык жактарга - эсептик көрсөткүчтүн жүз өлчөмүндө администрациялык айып салууга алып келет.".

22. 477-статьяда:

1-бөлүгүнүн экинчи абзацында "он беш" жана "элүү" деген сөздөр тиешелүүлүгүнө жараша "отуз" жана "жүз" деген сөздөргө алмаштырылсын;

2-бөлүгү төмөнкүдөй редакцияда баяндалсын:

"Ушул статьянын биринчи бөлүгүндө каралган ошол эле аракеттер бир жылдын ичинде кайра кайталанса, -

бузууларды четтеткенге чейин курулушту токтото туруу менен жарандарга - эсептик көрсөткүчтүн элүү өлчөмүндө, юридикалык жактарга эсептик көрсөткүчтүн эки жүз өлчөмүндө администрациялык айып салууга алып келет.".

23. 479-статья төмөнкүдөй редакцияда баяндалсын:

"479-статья. Лицензиясыз, адистин сертификатысыз архитектуралык

жана курулуш ишин милдеттүү сертификаттоодон өтпөгөн

курулуш материалдарын, конструкцияларды жана

буюмдарды колдонуу менен ишке ашыруу

Лицензиясыз, адистин сертификатысыз архитектуралык жана курулуш ишин милдеттүү сертификаттоодон өтпөгөн курулуш материалдарын, конструкцияларды жана буюмдарды колдонуу менен ишке ашыруу, -

ишти токтото туруу менен жеке жактарга эсептик көрсөткүчтүн жүз өлчөмүндө, юридикалык жактарга - бузуу табылган учурга белгиленген жумуштарды өндүрүүгө чыгымдардын наркынын жыйырма пайыз өлчөмүндө администрациялык айып салууга алып келет.".

24. 480, 481, 483-486-статьялар күчүн жоготту деп таанылсын.

25. 508-статьянын 1-бөлүгү "454," санынан кийин "464, 466-468," сандары менен толукталсын; "481" саны алып салынсын.

26. 511-статьянын алтынчы абзацында ", 214-статьянын үчүнчү бөлүгүндө" деген сөздөр алып салынсын.

27. 516-статьянын 1-бөлүгүндө "85-1," саны алып салынсын; "211-215" сандары "211-213, 215" сандарына алмаштырылсын.

28. 525-статьянын 1-бөлүгү төмөнкүдөй редакцияда баяндалсын:

"Архитектура жана курулуш иштери боюнча мамлекеттик органдар ушул Кодекстин 453, 455-463, 469, 471, 474, 475, 477, 479-статьяларында каралган администрациялык укук бузуулар жөнүндө иштерди карайт.".

29. 534-1-статьяда "465," саны алып салынсын.

30. 556-1-статьянын 1-пунктунун 1-пунктчасынын отуз төртүнчү абзацында "476" санынан мурда "454," саны менен толукталсын, ", 481" саны алып салынсын.

31. 625-статьяда:

аталышы жана 1-бөлүгү төмөнкүдөй редакцияда баяндалсын:

"625-статья. Иштин белгилүү бир түрүн токтото туруу, объектти

алгачкы калыбына келтирүү, объектти же болбосо анын

бөлүгүн бузуу (демонтаждоо) жөнүндө токтомду аткаруу

Иштин белгилүү бир түрүн токтото туруу, объектти алгачкы калыбына келтирүү, объектти же болбосо анын бөлүгүн бузуу (демонтаждоо) чечими жөнүндө токтом сот (судья) же Кыргыз Республикасынын архитектура жана курулуш органы (кызмат адамы) тарабынан өз компетенциясынын чектеринде кабыл алынат.";

3-бөлүгүндө "калыбына келтирүү" деген сөздөр "калыбына келтирүү, объектти же болбосо анын бөлүгүн бузуу (демонтаждоо)" деген сөздөргө алмаштырылсын.

2-берене.

Ушул Мыйзам расмий жарыяланган күндөн тартып күчүнө кирет.