КЫРГЫЗ РЕСПУБЛИКАСЫНЫН МЫЙЗАМЫ

2012-жылдын 6-октябры № 169

Кыргыз Республикасынын айрым Мыйзам актыларына өзгөртүүлөрдү жана толуктоолорду киргизүү тууралуу

 (КР 2013-жылдын 19-октябрындагы № 195 Мыйзамынын редакциясына ылайык)

1-берене.

(КР 2022-жылдын 18-январындагы № 4 Мыйзамына ылайык күчүн жоготту)

2-берене.

(КР 2022-жылдын 18-январындагы № 4 Мыйзамына ылайык күчүн жоготту)

3-берене.

Кыргыз Республикасынын Администрациялык жоопкерчилик жөнүндө Кодексине (Кыргыз Республикасынын Жогорку Кеңешинин Жарчысы, 1999-ж., № 2, 77-ст.) төмөнкүдөй толуктоолор киргизилсин:

1. 351-статьянын аталышы жана биринчи абзацы "декларация жана" деген сөздөрдөн кийин "/же" деген сөз менен толукталсын.

2. Мыйзам төмөнкүдөй мазмундагы 356-1-статья менен толукталсын:

"356-1-статья. Банктын жоопкерчилиги

Кыргыз Республикасынын Салык Кодексинин 126-беренесинде белгиленген милдеттерди аткарбаганы үчүн, -

банктын кызмат адамына эсептешүү көрсөткүчүнүн жүз өлчөмүндө администрациялык айып салууга алып келет.".

3. 535-статьянын 1-бөлүгүндө "356," деген сандан кийин "356-1," деген сан менен толукталсын; "418" деген сан алып салынсын.

4-берене.

       (КР 2013-жылдын 19-октябрындагы № 195 Мыйзамынын редакциясына ылайык күчүн жоготту)

5-берене.

"Кредиттик союздар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2000-ж., № 2, 108-ст.) төмөнкүдөй өзгөртүүлөр киргизилсин:

4-статьяда:

4-бөлүктө:

"шартта" деген сөз ", эгерде ушул бөлүктө башкача каралбаган шартта" деген сөздөргө алмаштырылсын;

2-пункт күчүн жоготту деп таанылсын;

5-бөлүк төмөнкүдөй редакцияда баяндалсын:

"5. Кредиттик союз лицензияда көрсөтүлгөн каржылык кызмат көрсөтүүлөрдү, ошондой эле каржылык лизинг боюнча операцияларды жүзөгө ашырууга укуктуу.".

6-берене.

"Кыргыз Республикасындагы микрофинансы уюмдары жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2002-ж., 9, 412-ст.) төмөнкүдөй өзгөртүүлөр жана толуктоо киргизилсин:

16-статьяда:

1-бөлүктө:

"Микрофинансы" деген сөздөр "Эгерде ушул бөлүктө башкача каралбаса, микро каржы" деген сөздөргө алмаштырылсын;

4-пункт күчүн жоготту деп таанылсын;

статья төмөнкүдөй мазмундагы 6-бөлүк менен толукталсын:

"6. Микрокаржы компаниясы каржылык лизинг боюнча операцияларды жүзөгө ашыра алат.".

7-берене.

(КР 2022-жылдын 18-январындагы № 4 Мыйзамына ылайык күчүн жоготту)

8-берене.

Кыргыз Республикасынын Өкмөтү эки айлык мөөнөттө өзүнүн чечимдерин ушул Мыйзамга ылайык келтирсин.

Ушул Мыйзам 2013-жылдын 1-январынан тартып күчүнө кирет.

Ушул Мыйзамдын 1-беренесинин 43-бөлүгү 2009-жылдын 1-январынан тартып күчүнө кирет.

Ушул Мыйзамдын 2-беренеси 2012-жылдын 1-январынан тартып күчүнө кирет.