КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ

2013-жылдын 30-июлу № 169

Кыргыз Республикасынын  айрым мыйзам актыларына өзгөртүүлөрдү жана толуктоо киргизүү жөнүндө

(КР 2017-жылдын 24-январындагы N 10 Мыйзамынын редакциясына ылайык)

1-берене.

(КР 2017-жылдын 24-январындагы N 10 Мыйзамына ылайык 2019-жылдын 1-январынан тартып күчүн жоготот)

2-берене.

(КР 2017-жылдын 24-январындагы N 10 Мыйзамына ылайык 2019-жылдын 1-январынан тартып күчүн жоготот)

3-берене.

"Аксакалдар соттору жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2002-ж., № 8 378-ст.) төмөнкүдөй өзгөртүүлөр жана толуктоо киргизилсин:

1. 1-статьяда:

1-бөлүгүндө ", ички иштер органдары жана башка мамлекеттик органдар" деген сөздөр "кылмыш иштерин кароо укугуна ээ башка укук коргоо органдары" деген сөздөргө алмаштырылсын;

2-бөлүгүндө "же жергиликтүү өз алдынча башкаруунун башка өкүлчүлүктүү органынын" деген сөздөр алынып салынсын.

2. 9-статьянын 1-бөлүгү төмөнкүдөй редакцияда баяндалсын:

"Аксакалдар сотунун курамына элүү жашка чыккан, бүткөн жалпы орто билимге ээ, көрсөтүлгөн жерде беш жылдан кем эмес жашаган, айылдардын, шаарчалардын жана шаарлардын калкынын арасында урмат-сыйга жана кадыр-баркка ээ, ишкердик жана адеп-ахлактык сапаттары боюнча аксакалдар сотторунун алдына коюлган милдеттерди аткарууга жөндөмдүү Кыргыз Республикасынын жарандары шайлана алышат.".

3. 15-статья төмөнкүдөй мазмундагы "е" пункту менен толукталсын:

"е) коомдон обочолонтуу менен байланышпаган жаза каралган анчейин оор эмес кылмыштар боюнча.".

4. 18-статьянын "в" пункту төмөнкүдөй редакцияда баяндалсын:

"в) сот, прокурор жана кылмыш иштерин кароо укугуна ээ башка укук коргоо органдары тарабынан өткөрүлүп берилген материалдар;".

5. 28-статьянын 1-бөлүгүнүн "д" пунктунда "Кыргыз Республикасынын мыйзамында белгиленген эң төмөнкү үч айлык акыга чейинки өлчөмүндө" деген сөздөр алып салынсын.

4-берене.

Ушул Мыйзам расмий жарыяланган күндөн тартып күчүнө кирет.