КЫРГЫЗ РЕСПУБЛИКАСЫНЫН УБАКТЫЛУУ ӨКМӨТҮНҮН ДЕКРЕТИ

2010-жылдын 6-октябры УӨ № 136

Бишкек шаарында 2010-жылдын 27-июлунда кол коюлган, Кыргыз Республикасы менен Европа реконструкциялоо жана өнүктүрүү банкынын ортосундагы Ош-Исфана  автомобиль жолу долбоору боюнча "Курулушту көзөмөлдөө консультанты" гранттык

макулдашуусун ратификациялоо жөнүндө

"Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык Кыргыз Республикасынын ички мамлекеттик жол-жоболорун аткаруу максатында Кыргыз Республикасынын Убактылуу Өкмөтү ушул Декретти кабыл алат:

1-берене.

Бишкек шаарында 2010-жылдын 27-июлунда кол коюлган, Кыргыз Республикасы менен Европа реконструкциялоо жана өнүктүрүү банкынын ортосундагы Ош-Исфана автомобиль жолу долбоору боюнча "Курулушту көзөмөлдөө консультанты" гранттык макулдашуусу ратификациялансын.

2-берене.

Кыргыз Республикасынын Финансы министрлиги жогоруда аталган Гранттык макулдашуу күчүнө кириши үчүн зарыл болгон ички мамлекеттик жол-жоболордун аткарылгандыгы жөнүндө Европа реконструкциялоо жана өнүктүрүү банкына белгиленген тартипте маалымдасын.

3-берене.

Бул Декрет кол коюлган күндөн баштап күчүнө кирет.