АТ-БАШЫ АЙЫЛДЫК КЕӉЕШИ

ТОКТОМ

Депутаттардын Ат-Башы айыл аймагынын айылдык кеңешинин кезексиз II сессиясы

2013-жылдын 20-февралы № 2-5

Ат-Башы айыл аймагынын айыл өкмөтүнүн эсебиндеги 1-январь 2013-жылга карата калдык акча каражатын пайдалануу багытын аныктоо жөнүндө

Ат-Башы айыл аймагынын айыл өкмөтүнүн эсебиндеги 1-январь 2013-жылга карата 1 600 512,85 сом калдык акча каражатын пайдалануу багытын аныктоо боюнча Ат-Башы айыл аймагынын айылдык кеңешинин бюджет, финансы жана экономика боюнча туруктуу комиссиясынын 18.02.2013-жылдагы №2 токтомунун жана Ат-Башы айыл өкмөтүнүн башчысы Ө.Жумаковдун, финансы-экономика бөлүмүнүн башчысы Т.Жусубалиевдин сунуштарынын негизинде Ат-Башы айыл аймагынын айылдык кеңеши

ТОКТОМ КЫЛАТ:

1. Ат-Башы айыл аймагынын айыл өкмөтүнүн эсебиндеги 1-январь 2013-жылга карата 1 600 512,85 сом калдык акча каражаты төмөндөгүдөй багыттарда пайдаланууга бөлүштүрүлсүн:

1) Ат-Башы айыл аймагынын айылдык кеңешинин 20.11.2012-жылдагы №22-8 токтомуна ылайык Ат-Башы айыл өкмөтүнүн карамагына 1 жүк ташуучу автоунаа сатып алууга 500 000 сом;

2) Ат-Башы айылынын квартал башчыларына, Аксакалдар сотунун төрагасына, айылдык кеңештин төрагасына жана айыл өкмөттүн жумушчуларына эмгек акы төлөөгө 587 400 сом;

3) 2013-жылдын биринчи жарым жылдыгындагы майрамдарга жана даталуу күндөргө байланышкан майрамдык жана спорттук иш чарларды каржылоого 247 000 сом;

4) Күйүүчү-майлоочу майларга 20 000 сом;

5) Өзгөчө кырдаалдарга даярдык боюнча шаймандарды алууга 32 000 сом;

6) Теректерди кыйууга 35 000 сом;

7) Ат-Башы айылындагы сугат арыктарына сооружениелерди курууга 48 000 сом;

8) Ат-Башы айылынын көчөлөрүнө жол белгилерин орнотууга 20 000 сом;

9) Айылдык кеңешке инвентар алууга 100 000 сом;

10) Ар кандай чыгымдарга 11 112,85 сом.

2. Бул токтомдун аткарылышын көзөмөлдөө жагы Ат-Башы айыл өкмөтүнүн башчысы Ө.Жумаковдон суралсын.