АТ-БАШЫ АЙЫЛДЫК КЕӉЕШИ

ТОКТОМ

Депутаттардын Ат-Башы айыл аймагынын айылдык кеңешинин кезектеги III сессиясы

2013-жылдын 29-марты № 3-4

Ат-Башы айыл аймагы боюнча тазалык жыйымдын 2013-жыл үчүн өлчөмдөрү жөнүндө

Ат-Башы айыл аймагы боюнча тазалык жыйымдын 2013-жыл үчүн өлчөмдөрү боюнча Ат-Башы айыл өкмөтүнүн киреше боюнча жетектөөчү адиси Б.Курманалиеванын жана Ат-Башы айылдык кеңешинин депутаттарынын сунуштарын угуп жана талкуулап, Ат-Башы айыл аймагынын айылдык Кеңеши

ТОКТОМ КЫЛАТ:

1. Ат-Башы айыл аймагы боюнча тазалык жыйымдын 2013-жыл үчүн өлчөмдөрүн карап бекитүү Ат-Башы айылдык кеңешинин кийинки сессиясына калтырылсын;

2. Ат-Башы айыл аймагындагы жалпы 2985 түтүндөн 285 түтүн жыйымды төлөөдөн бошотулсун;

3. Ат-Башы айыл аймагы боюнча тазалык жыйымдын 2013-жыл үчүн өлчөмдөрү убактылуу төмөндөгүдөй бекитилсин:

1) Ат-Башы айыл аймагындагы ар бир түтүн үчүн 70 сом;

2) Күркөлөр үчүн 50 сом;

3) Павильондор, дүкөндөр жана мончолор үчүн 100 сом;

4) Мекеме, ишканалар жана башка юридикалык жактар үчүн 400 сом.

4. Бул токтомдун аткарылышын көзөмөлдөө жагы Ат-Башы айыл өкмөтүнүн финансы-экономика бөлүмүнүн башчысы Т.Жусубалиевге милдеттендирилсин.