Бишкек шаардык кеңешинин 2022-жылдын 5-апрелиндеги № 26 токтомуна ылайык КҮЧҮН ЖОГОТТУ

БИШКЕК ШААРДЫК КЕӉЕШИ

ТОКТОМ

(Шаардык кеңешинин 2014-жылдын 25-июнун №84 токтомунун редакциясына ылайык)

2013-жылдын 19-ноябры № 50

Ачык сынактын негизде Бишкек шаарынын каттамдарын бөлүштүрүү жөнүндө” жобону бекитүү жөнүндө

Коомдук жүргүнчүлөр транспортунун ишин жөнгө салуу,  Бишкек шаарынын каттамдарын бөлүштүрүү боюнча ачык сынакты өткөрүү тартибин жакшыртуу максатында, Кыргыз Республикасынын “Жергиликтүү өз алдынча башкаруу жөнүндө”, “Ишкерлик ишти жөнгө салуунун ченемдик укуктук базасын оптималдаштыруу жөнүндө” мыйзамына ылайык, Бишкек шаардык кеңеш

ТОКТОМ КЫЛАТ:

1. Ачык сынактын негизде Бишкек шаарынын каттамдарын бөлүштүрүү жөнүндө” жобо тиркемеге ылайык бекитилсин.

2. Бишкек шаарынын мэриясы (И. Ш. Омуркулов) Бишкек шаарындагы каттамдарды пайдалангандыгы укугу үчүн акы катары ташуучулардан түшүүчү каражаттарды багыттоо боюнча сунушту Бишкек шаардык кеңештин кароосуна берсин.

3. Бул токтом расмий жарыяланган күндөн тартып 15 күн өткөндөн кийин күчүнө кирет.

4. Бул токтом белгиленген тартипте каттоодон өткөрүлсүн жана Кыргыз Республикасынын Юстиция министрлигине Кыргыз Республикасынын ченемдик укуктук актыларынын мамлекеттик реестрине киргизүү үчүн жөнөтүлсүн.

5. Бул токтомдун аткарылышын контролдоо Бишкек шаардык кеңештин турак-жай коммуналдык чарба, отун-энергетикалык комплекс, транспорт жана коммуникациялар боюнча туруктуу комиссиясына (Десятников П. Н.) жана Бишкек шаарынын вице-мэри Т. М. Имашовго жүктөлсүн.