КЫРГЫЗ РЕСПУБЛИКАСЫНЫН МЫЙЗАМЫ

2013-жылдын 1-ноябры № 198

Кыргыз Республикасынын айрым мыйзам актыларына толдуктоолорду киргизүү жөнүндө

1-берене.

Кыргыз Республикасынын Эмгек кодексине (Кыргыз Республикасынын Жогорку Кеңешинин Жарчысы, 2006-ж., № 4, 392-ст.) төмөнкүдөй толуктоо киргизилсин:

64-статьянын 1-бөлүгү «квалификациясы) документи» деген сөздөрдөн кийин «;18 18 жашка чейинки курактагы адамдарды тарбиялоо, окутуу жана тейлөө менен байланышкан иштерде иштөөсү үчүн соттуулугунун жоктугу тууралуу маалымкатты» деген сөздөр менен толукталсын.

2-берене.

Кыргыз Республикасынын Кылмыш-жаза кодексине (Кыргыз Республикасынын Жогорку Кеңешинин Ведомостору, 1998-ж., № 7, 229-ст.) төмөнкүдөйтолуктоолор киргизилсин:

1.    67-статья төмөнкүдөй мазмундагы 7-бөлүк менен толукталсын:

«(7) Жашы жетпегендерге карата инсандын жыныстык кол тийгистигине жана жыныстык эркиндигине каршы кылмыш жасаган адамдарга эскерүү мөөнөтүнүн өтүшү 15 жылды түзөт.»

2.    69-статья төмөнкүдөй мазмундагы 8-1-бөлүк менен толукталсын:

«(8) Жашы жетпегендерге карата инсандын жыныстык кол тийгистигине жана жыныстык эркиндигине каршы кылмыш жасагандыгына байланыштуу жазасын өтөп жаткан адамга шарттуу-мөөнөтүнөн мурда мурда бошотуу колдонулушу мүмкүн эмес.».

3-берене.

Ушул мыйзам расмий жарыяланган күндөн тартып күчүнө кирет.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.