КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2012-жылдын 25-июну ПЖ № 122

Кыргыз Республикасынын Президентинин кээ бир чечимдерине өзгөртүүлөрдү жана толуктоо киргизүү жөнүндө

Кыргыз Республикасынын Президентинин Иш башкармасынын кайра уюшулгандыгына байланыштуу, ошондой эле мамлекеттик мүлктү пайдалануунун натыйжалуулугун камсыз кылуу максатында

ТОКТОМ КЫЛАМ.

1. Кыргыз Республикасынын Президентинин 2007-жылдын 27-августундагы № 385 "Кыргыз Республикасынын мамлекеттик кызмат орундарынын Реестрин бекитүү жөнүндө" Жарлыгы менен бекитилген Кыргыз Республикасынын администрациялык мамлекеттик кызмат орундарынын Реестрине төмөнкүдөй өзгөртүүлөр киргизилсин:

- 1-главада:

"Жогорку кызмат орундары" тобундагы Ж1 категориясы алып салынсын;

"Жогорку кызмат орундары" тобундагы ЖЗ категориясында "Борбордун директору" деген сап алып салынсын;

"Башкы кызмат орду" тобундагы Б1 категориясында "Борбордун директорунун орун басары" деген сап алып салынсын;

- 1-1-глава күчүн жоготту деп табылсын.

2. Кыргыз Республикасынын Президентинин 2011-жылдын 13-майындагы № 111 "Кыргыз Республикасынын Президентинин Иш башкармасы жөнүндө" Жарлыгына төмөнкүдөй өзгөртүүлөр киргизилсин:

- 4-пункт күчүн жоготту деп табылсын;

- жогоруда аталган Жарлык менен бекитилген Кыргыз Республикасынын Президентинин Иш башкармасы жөнүндө Жободо:

17-пункттагы "эки" деген сөз "үч" деген сөз менен алмаштырылсын;

19-пункттун 2-пунктчасындагы "жана Иш башкармасынын аппарат жетекчисинин" деген сөздөр алып салынсын;

21-пункттагы ", аппарат жетекчиси" деген сөздөр алып салынсын.

3. Кыргыз Республикасынын Президентинин 2012-жылдын 15-февралындагы № 43 "Кыргыз Республикасынын Президентинин Иш башкармасын кайра уюштуруу жөнүндө" Жарлыгына төмөнкүдөй өзгөртүүлөр жана толуктоо киргизилсин:

- 2-пунктта:

экинчи абзацтагы "мекемелер" деген сөз "мекеме" деген сөз менен алмаштырылсын;

төмөнкү мазмундагы абзацтар менен толукталсын:

"- "Кыргыз Республикасынын Президентинин Иш башкармасынын № 172 "Арген" бакча-яслиси мектепке чейинки мекемеси" мамлекеттик мекемеси Бишкек шаарынын мэриясынын муниципалдык менчигине;

"Кыргыз Республикасынын Президентинин Иш башкармасынын № 27 "Звездочка" балдар бакчасы" мамлекеттик мекемеси Кыргыз Республикасынын Ысык-Көл облусунун Ысык-Көл райондук мамлекеттик администрациясынын карамагына.";

- 3 жана 4-пункттар күчүн жоготту деп табылсын;

- 6-пунктта:

"ишканалар менен мекемелерди" деген сөздөр "ишканалар менен мекемени" деген сөздөр менен алмаштырылсын;

"Бишкек шаарынын жана Ысык-Көл облусунун Ысык-Көл районундагы Кумбел айыл өкмөтүнүн муниципалдык менчигине өткөрүп бериле турган мектепке чейинки мекемелерден тышкары" деген сөздөр алып салынсын;

- аталган Жарлыктын тиркемесинде:

"ишканалардын жана мекемелердин" деген сөздөр "ишканалардын жана мекеменин" деген сөздөргө алмаштырылсын.

8- жана 9-пункттар алып салынсын.

4. Кыргыз Республикасынын Президентинин 2009-жылдын 28-декабрындагы № 606 "Кыргыз Республикасынын Президентинин Иш башкармасын реформалоого байланышкан кээ бир маселелер жөнүндө" Жарлыгы күчүн жоготту деп табылсын.

5. Бул Жарлык расмий жарыяланган күндөн баштап күчүнө кирет.