КР Президентинин 2022-жылдын 18-июлундагы ПЖ № 244 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2008-жылдын 26-декабры ПЖ № 467

Кыргыз Республикасынын Президентинин кээ бир чечимдерине өзгөртүүлөрдү жана толуктоолорду киргизүү жөнүндө

(КР Президентинин  2011-жылдын 29-августундагы № 221 , 2013-жылдын 30-декабрындагы № 237, 2014- жылдын 5-ноябрындагы ПЖ № 201, 2021-жылдын 31-декабрындагы ПЖ № 587 Жарлыктарынын редакциясына ылайык)

Сот системасында мамлекеттик кадр саясатынын натыйжалуулугун андан ары жогорулатуу, Кыргыз Республикасынын сотторунун финансылык, материалдык-техникалык базасын камсыз кылууну жакшыртуу максатында

ТОКТОМ КЫЛАМ:

1. (КР Президентинин 2013-жылдын 30-декабрындагы № 237 Жарлыгынын редакциясына ылайык күчүн жоготту)

2. "Кыргыз Республикасынын Жогорку Сотуна караштуу судьяларды окутуу Борборунун, Сот департаментинин жана Кыргыз Республикасынын сотторунун аппараттарынын мамлекеттик кызматчыларына атайын класстык чендерди берүүнүн тартиби жөнүндөгү Жобону бекитүү тууралуу" Кыргыз Республикасынын Президентинин 2004-жылдын 8-апрелиндеги № 132 Жарлыгы менен бекитилген Кыргыз Республикасынын Жогорку Сотуна караштуу судьяларды окутуу Борборунун, Сот департаментинин жана Кыргыз Республикасынын сотторунун аппараттарынын мамлекеттик кызматчыларына атайын класстык чендерди берүүнүн тартиби жөнүндөгү Жобого төмөнкүдөй өзгөртүүлөр жана толуктоолор киргизилсин:

- "Кыргыз Республикасынын Жогорку Сотуна караштуу судьяларды окутуу Борборунун, Сот департаментинин жана Кыргыз Республикасынын сотторунун аппараттарынын мамлекеттик кызматчыларына атайын класстык чендерди берүүдө коюлуучу талаптар" деген III бөлүмдүн 4-пунктунда:

5-саптын экинчи абзацы "басмасөз-катчы" деген сөздөн кийин ", канцеляриянын начальниги" деген сөздөр менен толукталсын;

6-саптын экинчи абзацындагы ", канцеляриянын начальниги" деген сөздөр алып салынсын;

1-саптын үчүнчү абзацы "башчысы" деген сөздөн кийин ", канцеляриянын начальниги" деген сөздөр менен толукталсын;

2-саптын үчүнчү абзацындагы ", канцеляриянын начальниги" деген сөздөр алып салынсын;

"Атайын класстык чендерде болуу мөөнөтү жана аны берүүнүн тартиби" деген IV бөлүмдө:

6-пункттун экинчи абзацы төмөнкүдөй редакцияда баяндалсын:

"Кыргыз Республикасынын Конституциялык Сотунун жана Жогорку Сотунун аппаратынын мамлекеттик кызматчыларына атайын класстык чендерди берүү, төмөндөтүү жөнүндө маселеге демилге кылуу үчүн тийиштүү жогорку соттун аппаратынын жетекчисинин сунушу зарыл.";

6-пункттун бешинчи абзацы төмөнкүдөй редакцияда баяндалсын:

"Кыргыз Республикасынын Жогорку Сотуна караштуу судьяларды окутуу Борборунун мамлекеттик кызматчысына атайын класстык чендерди берүү, төмөндөтүү жөнүндөгү маселеге демилге кылуу үчүн Кыргыз Республикасынын Жогорку Сотуна караштуу судьяларды окутуу Борборунун директорунун сунушу, ал эми акыркы үчүн - Кыргыз Республикасынын Жогорку Сотунун төрагасынын орун басарынын биринин сунушу зарыл.";

8-пункттун биринчи абзацындагы ", Сот департаментинин" деген сөздөр алып салынсын.

3. (КР Президентинин 2014-жылдын 5-ноябрындагы ПЖ № 201 Жарлыгына ылайык күчүн жоготту)

4. (КР Президентинин 2011-жылдын 29-августундагы № 221 Жарлыгынын редакциясына ылайык күчүн жоготту)

5. (КР Президентинин 2021-жылдын 31-декабрындагы ПЖ № 587 Жарлыгына ылайык күчүн жоготту)

6. Кыргыз Республикасынын Сот департаменти бир айлык мөөнөттө Кыргыз Республикасынын Жогорку Сотунун жана Кыргыз Республикасынын судьялар Кеңешинин кароосуна сотторду өнүктүрүүгө багытталуучу аткаруу жыйымдарынын каражаттарын максаттуу жапа үнөмдүү пайдалануу боюнча өз ара аракеттердин тартиби жөнүндө сунуштарын киргизсин.

7. Кыргыз Республикасынын Өкмөтү өз чечимдерин ушул Жарлыкка ылайык келтирсин.

8. Бул Жарлыктын аткарылышына контролдук кылуу милдети Кыргыз Республикасынын Президентинин Администрациясынын укуктук саясат бөлүмүнө жүктөлсүн.

9. Бул Жарлык кол коюлган учурдан тартып күчүнө кирет.