КЫРГЫЗ РЕСПУБЛИКАСЫНЫН МЫЙЗАМЫ

2014-жылдын 13-марты № 44

Кыргыз Республикасынын Администрациялык жоопкерчилик жөнүндө кодексине толуктоолорду жана өзгөртүүлөрдү киргизүү тууралуу

1-берене.

Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кеңешинин Ведомосттору, 1999-ж., № 2, 77-ст.) төмөнкүдөй толуктоолор жана өзгөртүүлөр киргизилсин:

1. 27-статья төмөнкүдөй мазмундагы 6-1-пункт менен толукталсын:

"6-1) мергенчилик минимумду билүүсүн текшерүү;".

2. 5-глава төмөнкүдөй мазмундагы 34-1-статья менен толукталсын:

"34-1-статья. Мергенчилик минимумду билүүсүн текшерүү

Ушул Кодексте каралган администрациялык укук бузууларды жасаган аңчылар, аңчылыкты пайдалануучулардын кызмат адамдары жана алгыр куштарды багуучулар администрациялык жаза-чарасын колдонуу менен катар мергенчилик минимумду кайра тапшырууга жиберилиши мүмкүн.".

3. 140-статьяда:

биринчи абзацы төмөнкүдөй редакцияда баяндалсын:

"Мамлекеттик токой фондусунун жана бекитилип берилген мергенчилик кылуучу жерлердин аймактарында аңчылык кылуу эрежелерин жана мөөнөттөрүн бузуу -мамлекеттик мергенчилик ырастамасыз жана талаптагыдай уруксатсыз (жаныбарлар дүйнөсүнүн объекттерин атайын пайдаланууга, атуу карточкаларына жана/же жолдомолорго уруксатсыз) аңчылык кылуу, ошондой эле тыюу салынган мөөнөттөрдө же тыюу салынган мергенчилик куралдары жана ыкмалары менен аңчылык кылуу же жапайы айбанаттардын тыюу салынган түрлөрүнө аңчылык кылуу -";

экинчи абзацында "беш" деген сөз "жыйырма" деген сөзгө алмаштырылсын.

4. 141-статьянын экинчи абзацында "бирден үч" деген сөздөр "бирден он" деген сөздөргө алмаштырылсын; "үчтөн беш" деген сөздөр "бештен жыйырма" деген сөздөргө алмаштырылсын.

5. 142-статьяда:

статьянын аталышында "аңчылык чарбасынын, аңчылык көзөмөлүнүн жана айлана-чөйрөнү коргоонун" деген сөздөр "мамлекеттик мергенчилик контролунун жана көзөмөлүнүн, айлана-чөйрөнү жана өндүрүштүк мергенчилик контролун коргоонун" деген сөздөргө алмаштырылсын;

биринчи абзацында "аңчылык чарбасынын, аңчылык көзөмөлүнүн жана айлана-чөйрөнү коргоонун" деген сөздөр "мамлекеттик мергенчилик контролунун жана көзөмөлүнүн, айлана-чөйрөнү жана өндүрүштүк мергенчилик контролун коргоонун" деген сөздөргө алмаштырылсын;

экинчи абзацында "бирден үч" деген сөздөр "бирден жыйырма" деген сөздөргө алмаштырылсын; "үчтөн беш" деген сөздөр "үчтөн жүз" деген сөздөргө алмаштырылсын.

6. 145-статьянын экинчи абзацында "бир" деген сөз "үч" деген сөзгө алмаштырылсын; "беш" деген сөз "он" деген сөзгө алмаштырылсын.

7. 148-статьяда:

статьянын аталышы төмөнкүдөй редакцияда баяндалсын: "148-статья. Популяциялардын санынын жана түзүмүнүн өнүгүүсүнүн терс тенденциясына, популяцияларды сактоого терс таасирин тийгизүүгө же сейрек кездешүүчү жана жок болуп кетүү коркунучу алдында турган жаныбарлардын жана өсүмдүктөрдүн таралуу ареалынын кыскарышына алып келүүчү аракеттер";

биринчи абзацы төмөнкүдөй редакцияда баяндалсын:

"Кыргыз Республикасынын Кызыл китебине киргизилген, "Жок болуп кетүү коркунучу алдындагы" категорияга таандык популяциялардын санынын жана түзүмүнүн өнүгүүсүнүн терс тенденциясына, популяцияларды сактоого терс таасирин тийгизүүгө же сейрек кездешүүчү жана жок болуп кетүү коркунучу алдында турган жаныбарлардын жана өсүмдүктөрдүн таралуу ареалынын кыскарышына алып келүүчү аракеттер же алардын уяларын, жумурткаларын, турган жайларын, башка курулмаларын жок кылуу, же мындай жаныбарлардын же өсүмдүктөрдүн жашаган чөйрөсүн бузуу же болбосо мындай объекттерди атайын пайдаланууга уруксатта көрсөтүлгөн шарттарды бузуу менен мындай жаныбарларды жана өсүмдүктөрдү алуу, -";

расмий тилдеги экинчи абзацында "влечет" деген сөз "влекут" деген сөзгө алмаштырылсын.

8. 149-статьянын 2-бөлүгүндө:

биринчи абзацы төмөнкүдөй редакцияда баяндалсын:

"Аңчылыктын жана балык уулоонун эрежелерин бузуу (ошого тиешелүү уруксатысыз же тыюу салынган жерлерде же болбосо тыюу салынган мөөнөттөрдө тыюу салынган куралдар же ыкмалар жана башка бузуулар менен аңчылык) -";

экинчи абзацында:

- "мылтыктарын" деген сөз "атылуучу куралын" деген сөздөргө алмаштырылсын; "же болбосо мылтыктарын жана аңчылыктын башка куралдарын конфискациялоо менен жарандардын жана кызмат адамдарынын аңчылык кылуу укугунан соттун чечими боюнча үч жылга чейинки мөөнөткө ажыратууга" деген сөздөр "же бир нече жолу укук бузуулар табылганда - аңчылык жана мергенчилик чарбасы чөйрөсүндөгү ыйгарым укуктуу мамлекеттик башкаруу органы тарабынан жеке жактарды алар мергенчилик минимуму боюнча кайрадан экзамен тапшырганга чейин аңчылык статусунан ажыратууга" деген сөздөргө алмаштырылсын;

- расмий тилдеги экинчи абзацында "влекут" деген сөз "влечет" деген сөзгө алмаштырылсын.

9. 152-статьяда:

статьянын аталышы төмөнкүдөй редакцияда баяндалсын: "152-статья. Жаныбарлар дүйнөсүнүн объекттерин жана алардын продуктыларын сатып алуунун, ташуунун, кабыл алуунун жана сатуунун белгиленген тартибин бузуу";

биринчи абзацы төмөнкүдөй редакцияда баяндалсын:

"Жаныбарлар дүйнөсүнүн объекттерин жана алардын продукцияларын, ошондой эле алардан жасалган мех буюмдарды сатып алуунун, ташуунун, кабыл алуунун жана сатуунун белгиленген тартибин бузуу -";

расмий тилдеги экинчи абзацында "влекут" деген сөз "влечет" деген сөзгө алмаштырылсын.

10. 154-статьянын экинчи абзацы төмөнкүдөй редакцияда баяндалсын:

"жаныбарлар дүйнөсүнүн объекттерин, алардын бөлүктөрүн жана продукцияларын, ошондой эле укук бузуучунун жеке менчигиндеги атылуучу куралын жана башка куралдарын жана аңчылык каражаттарын конфискациялоо менен жарандарга - эсептешүү көрсөткүчүнүн үчтөн он, кызмат адамдарына - жыйырмадан жүз өлчөмүнө чейин администрациялык айып салууга, же бир нече жолу укук бузуулар табылганда - аңчылык жана мергенчилик чарбасы чөйрөсүндөгү ыйгарым укуктуу мамлекеттик башкаруу органы тарабынан жеке жактарды алар мергенчилик минимуму боюнча кайрадан экзамен тапшырганга чейин аңчылык статусунан ажыратууга алып келет.".

11. 155-статьянын экинчи абзацы төмөнкүдөй редакцияда баяндалсын:

"жаныбарлар дүйнөсүнүн өзгөчөлөнгөн түрлөрүн конфискациялоо менен жарандарга - эсептешүү көрсөткүчүнүн үчтөн он, кызмат адамдарына - ондон жыйырма өлчөмүнө чейин администрациялык айып салууга, жана бир нече жолу укук бузуулар табылганда - аңчылык жана мергенчилик чарбасы чөйрөсүндөгү ыйгарым укуктуу мамлекеттик башкаруу органы тарабынан жеке жактарды алар мергенчилик минимуму боюнча кайрадан экзамен тапшырганга чейин аңчылык статусунан ажыратууга алып келет.".

12. 526-статьяда:

статьянын аталышында "жана токой чарбасын" деген сөздөр ", токой чарбасын жана мамлекеттик мергенчилик контролун жана көзөмөлүн" деген сөздөргө алмаштырылсын;

1-бөлүгүндө "жана токой чарбасын" деген сөздөр ", токой чарбасын жана мамлекеттик мергенчилик контролун жана көзөмөлүн" деген сөздөргө алмаштырылсын; бөлүк "141," деген сандан кийин "142," деген сан менен толукталсын;

2-бөлүгүндө:

- алтынчы жана жетинчи абзацтары төмөнкүдөй редакцияда баяндалсын:

"- мамлекеттик мергенчилик контролу жана көзөмөлү органдарынын жетекчилери жана алардын орун басарлары;

- токой экотутумун өнүктүрүү башкармалыгынын, мамлекеттик мергенчилик контролу жана көзөмөлү органдарынын башкы жана жетектөөчү адистери;";

- сегизинчи абзацында "аймактык аңчылык чарбасынын жана аңчылык көзөмөлүнүн начальниги жана орунбасары" деген сөздөр "мамлекеттик мергенчилик контролунун жана көзөмөлүнүн аймактык органдарынын жетекчилери жана орун басарлары" деген сөздөргө алмаштырылсын.

13. 556-1-статьянын 1-бөлүгүнүн 1-пунктунун он төртүнчү абзацы төмөнкүдөй редакцияда баяндалсын:

"айлана-чөйрөнү коргоо, токой чарбасы жана мамлекеттик мергенчилик контролу жана көзөмөлү органдары (140, 141, 142, 145, 146, 147, 148, 149, 149-1, 149-2, 151, 152, 153, 154, 155, 156, 157, 160, 161-статьялар);".

14. 566-статьянын 3-бөлүгүндө "аңчылык эрежелерин сактоого мамлекеттик көзөмөлдү жүзөгө ашыруучу органдардын" деген сөздөр ", мамлекеттик мергенчилик контролу жана көзөмөлү органдарынын" деген сөздөргө алмаштырылсын.

15. VI бөлүмдө "аңчылык" деген түшүнүк төмөнкүдөй редакцияда баяндалсын:

"Аңчылык - олжолоо максатында мергенчилер тарабынан издөөнү, аңдууну, артынан түшүүнү жүзөгө ашыруу процессин жана табигый эркиндик абалындагы, же жарым-жартылай эркин шарттардагы жапайы айбанаттарды жана канаттууларды иш жүзүндө олжолоонун (кармап алуу же атып алуу жолу менен) өзүн билдирген жаныбарлар дүйнөсүнүн объекттерин пайдалануунун түрү.".

2-берене.

Ушул Мыйзам расмий жарыяланган күндөн тартып күчүнө кирет.

Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.