КР 2016-жылдын 30-майындагы № 75 Мыйзамына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙЗАМЫ

2014-жылдын 10-ноябры № 150

"Мамлекеттик кызмат жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Мамлекеттик кызмат жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2004-ж., № 12, 529-ст.) төмөнкүдөй өзгөртүүлөр киргизилсин:

1. 3-статьянын 3-бөлүгүнүн үчүнчү абзацы төмөнкүдөй редакцияда баяндалсын:

"- саясий мамлекеттик кызматчылардын кеңешчилеринин, консультанттарынын жана жардамчыларынын кызмат орундарына талапкер адамдарга;".

2. 13-статьянын 1-бөлүгүнүн төртүнчү абзацында "тандалып алынган талапкерлерди дайындоого сунуш кылат;" деген сөздөр алып салынсын.

3. 18-статьяда:

2-бөлүгүнүн төртүнчү абзацы күчүн жоготту деп табылсын;

3-бөлүгү төмөнкүдөй редакцияда баяндалсын:

"Мамлекеттик органдын кадрларынын ички резерви төмөнкүлөрдөн түзүлөт:

- ушул мамлекеттик органда административдик мамлекеттик кызмат орундарын ээлеген жана аттестациянын натыйжалары боюнча кызматка көтөрүүгө сунушталган мамлекеттик кызматчылардан;

- ушул Мыйзамдын 47-статьясынын 4-бөлүгүндө көрсөтүлгөн адамдардан;

- конкурстун жыйынтыгы боюнча аттестациялык-конкурстук комиссия тарабынан сунушталган адамдардан.".

4. 24-статьянын 5-бөлүгүнүн үчүнчү абзацы төмөнкүдөй редакцияда баяндалсын:

"- бул кызмат орундарында бир жылдан кем эмес иштеген саясий мамлекеттик кызматчылардын кеңешчилери, жардамчылары жана консультанттары;".

5. 47-статьянын 4-бөлүгү  төмөнкүдөй редакцияда баяндалсын:

"Ушул статьяда каралган негиздер боюнча мамлекеттик кызматтан бошотулуп жаткан адам арызынын негизинде кадрлардын ички резервине киргизилет.".

2-берене.

Кыргыз Республикасынын Президенти жана Кыргыз Республикасынын Өкмөтү өзүнүн ченемдик укуктук актыларын ушул Мыйзамга ылайык келтирсин.

3-берене.

Ушул Мыйзам расмий жарыяланган күндөн тартып күчүнө кирет.