КР Өкмөтүнүн

2009-жылдын 20-апрелиндеги № 171-б буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 29-августу № 439-б

Германия Федеративдүү Республикасынын Берлин шаарында ар жылдык "Зеленая неделя 2009" эл аралык көргөзмөсүн өткөрүүгө байланыштуу:

1. Германия Федеративдүү Республикасынын Берлин шаарында ар жылдык "Зеленая неделя 2009" эл аралык көргөзмөсүнө Кыргыз Республикасынын даярдык көрүшү жана катышуусу боюнча төмөнкүдөй курамда Өкмөттүк комиссия түзүлсүн:

Кыргыз Республикасынын Премьер-министри, комиссиянын төрагасы;

Кыргыз Республикасынын айыл, суу чарба жана кайра иштетүү өнөр жай министри, комиссиянын төрагасынын орун басары.

Комиссия мүчөлөрү:

Кыргыз Республикасынын тышкы иштер министринин орун басары;

Кыргыз Республикасынын транспорт жана коммуникациялар министринин орун басары;

Кыргыз Республикасынын финансы министринин орун басары;

Кыргыз Республикасынын экономикалык өнүгүү жана соода министринин орун басары;

Кыргыз Республикасынын айыл, суу чарба жана кайра иштетүү өнөр жай министринин орун басары;

"Кыргызресурстары" мамлекеттик ишканасынын башкы директору;

Кыргыз Республикасынын Соода-өнөр жай палатасынын президенти (макулдашуу боюнча);

"Кыргызстандагы Райффайзен кооперативдерди өнүктүрүү фонду" коомдук фонддун төрагасы (макулдашуу боюнча);

Ош облусунун мамлекеттик администрация башчысы - губернатор, Жалал-Абад облусунун мамлекеттик администрация башчысы - губернатор;

Нарын облусунун мамлекеттик администрация башчысы - губернатор;

Баткен облусунун мамлекеттик администрация башчысы - губернатор;

Ысык-Көл облусунун мамлекеттик администрация башчысы - губернатор;

Чүй облусунун мамлекеттик администрация башчысы - губернатор;

Талас облусунун мамлекеттик администрация башчысы - губернатор.

2. Өкмөттүк комиссиянын мүчөлөрү төмөнкүлөрдү иштеп чыксын жана бекитсин:

- Германия Федеративдүү Республикасынын Берлин шаарында ар жылдык "Зеленая неделя 2009" эл аралык көргөзмөсүнө Кыргыз Республикасынын катышуусунун сценарийин жана программасын;

- Германия Федеративдүү Республикасынын Берлин шаарында ар жылдык "Зеленая неделя 2009" эл аралык көргөзмөсүнө Кыргыз Республикасынын катышуусу боюнча планды.

3. Министрликтер, мамлекеттик комитеттер, администрациялык ведомстволор, жергиликтүү мамлекеттик администрациялар жана жергиликтүү өз алдынча башкаруу органдары Германия Федеративдүү Республикасынын Берлин шаарында ар жылдык "Зеленая неделя 2009" эл аралык көргөзмөсүнө Кыргыз Республикасынын катышуу сценарийине жана программасына карата Өкмөттүк комиссияга сунуштарды беришсин.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын жетекчиси - министрге жүктөлсүн.