КЫРГЫЗ РЕСПУБЛИКАСЫНЫН ӨКМӨТҮ

БУЙРУК

 2008-жылдын 3-октябры № 508-б

Академик Миррахимов Мирсаид Мирхамидовичтин мезгилсиз дүйнөдөн кайткандыгына жана анын сөөгүн коюуну уюштурууга байланыштуу:

1. Сөөк коюуну даярдоо жана өткөрүү боюнча төмөнкүдөй курамда уюштуруу комитети (мындан ары - уюштуруу комитети) түзүлсүн:

Айдаралиев И.Р. - Кыргыз Республикасынын биринчи вице-премьер-министри, уюштуруу комитетинин төрагасы;

Мамбетов М.А. - Кыргыз Республикасынын саламаттык сактоо министри, уюштуруу комитетинин төрагасынын орун басары.

Уюштуруу комитетинин мүчөлөрү:

Алдашев А.А. - академик М.Миррахимов атындагы Улуттук кардиология жана терапия борборунун алдындагы молекулярдык биология жана медицина илимий-изилдөө институтунун директору;

Алымкожоев А.Т. - Кыргыз Республикасынын Улуттук гвардиясынын командачысы (макулдашуу боюнча);

Бектеналиев М.А. - Кыргыз Республикасынын Маданият жана маалымат министрлигинин статс-катчысы;

Жумагулова А.С. - академик М.Миррахимов атындагы Улуттук кардиология жана терапия борборунун директору;

Жоробекова Ш.Ж. - Кыргыз Республикасынын Улуттук илимдер академиясынын президенти (макулдашуу боюнча);

Осмонов Б.С. - Кыргыз улуттук Ленин ордендүү А.Малдыбаев атындагы опера жана балет театрынын башкы директору (макулдашуу боюнча);

Субанов Т.У. - Кыргыз Республикасынын ички иштер министринин орун басары;

Түлеев Н.Т. - Бишкек шаарынын мэри (макулдашуу боюнча);

Эшимканов М.А. - Кыргыз Республикасынын Улуттук телерадиокорпорациясынын башкы директору.

2. Төмөнкүлөр аныкталсын:

- маркум менен коштошуу ырасымын өткөрүүчү күн - Кыргыз улуттук Ленин ордендүү А.Малдыбаев атындагы опера жана балет театрында 2008-жылдын 5-октябрында саат 10.00дө;

- сөөк коюучу жер - Бишкек шаарынын Ала-Арча көрүстөнү.

3. Кыргыз Республикасынын Улуттук гвардиясы маркум менен коштошуу ырасымын өткөргөн убакта ардак караулдун катышуусун камсыз кылсын.

4. М.М.Миррахимовдун, үй-бүлөсүнө материалдык жардам көрсөтүү үчүн Кыргыз Республикасынын Өкмөтүнүн резервдик фондунан 100000 (жүз миң) сом бөлүнсүн.