КР Министрлер Кабинетинин 2022-жылдын 11-февралындагы № 57-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

 2008-жылдын 15-октябры № 534-б

(КР Өкмөтүнүн 2009-жылдын 21-февралындагы № 75-б

буйругунун редакциясына ылайык)

Ош облусунун Алай районунун аймагында болгон жер титирөөнүн кесепеттерин жоюу жана Алай районунун Нур айылынын жабыр тарткан калкына жардам көрсөтүү боюнча маселелерди ыкчам чечүү максатында:

1. Төмөнкүдөй курамда Өкмөттүк комиссия түзүлсүн:

Абдуллаева Ө.А. - Кыргыз Республикасынын вице-премьер-министри;

Бабанов Ө.Т. - Кыргыз Республикасынын биринчи вице-премьер-министри, комиссиянын төрагасы;

Ташиев К.К. - Кыргыз Республикасынын өзгөчө кырдаалдар министри;

Султанов М.А. - Кыргыз Республикасынын финансы министри;

Ташпаева Н.А. - министр труда и социального развития Кыргызской Республики;

Карашев А.А. - Ош облусунун мамлекеттик администрация башчысы - губернатор;

Нарбаев К.Д. - Кыргыз Республикасынын Өкмөтүнө караштуу Архитектура жана курулуш боюнча мамлекеттик агенттиктин директору;

Султанов А.А. - Кыргыз Республикасынын Өкмөтүнүн Аппаратынын коргонуу, укуктук тартип жана өзгөчө кырдаалдар бөлүмүнүн башчысы.

(КР Өкмөтүнүн 2009-жылдын 21-февралындагы № 75-б буйругунун редакциясына ылайык)

2. Өкмөттүк комиссия төмөнкүлөрдү бекем контролго алсын:

- жер титирөөнүн кесепеттерин жоюу боюнча иш-чаралардын жүрүшүн жана бузулган объекттерди калыбына келтирүү жана жабыр тарткан калкка жардам көрсөтүү боюнча министрликтердин, мамлекеттик комитеттердин, администрациялык ведомстволордун, жергиликтүү мамлекеттик администрациялардын иш-аракеттерин координацияласын;

- жабыр тарткандарга жардам көрсөтүү үчүн "Кыргызпромстройбанктын" Ош бөлүмүндө ачылган атайын эсепке каражаттардын келишин жана түшкөн каражаттардын бөлүштүрүлүшүн;

- товар жана акча каражаттары түрүндө келип түшкөн гуманитардык жардамдын эсепке алынышын жана максаттуу пайдаланылышын камсыздасын.

3. Атайын эсепке түшкөн каражаттар ушул Өкмөттүк комиссиянын чечими боюнча гана пайдаланышсын.