КР Министрлер Кабинетинин 2022-жылдын 11-февралындагы № 57-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

 2008-жылдын 23-октябры № 555-б

(КР Өкмөтүнүн 2009-жылдын 30-мартындагы № 136-б

буйругунун редакциясына ылайык)

Жалал-Абад облусунун Аксы, Ала-Бука жана Чаткал райондорундагы "Молоташ", "Сулу-Тегерек", "Куру-Тегерек" жана "Каратөбө-Бузук" алтын кендерин иштетүү боюнча алтын казуучу компаниялардын иштеринин региондун экологиясына тийгизген таасирин изилдөө максатында:

1. Төмөнкүдөй курамдагы ведомстволор аралык комиссия түзүлсүн:

К.Масиров - Жалал-Абад облусунун мамлекеттик администрация башчысы - губернатор, комиссиянын төрагасы.

Ведомстволор аралык комиссиянын мүчөлөрү:

Алиев А.Т. - Аксы районунун мамлекеттик администрация башчысы - акими;

Дүйшембиев А.О. - Кыргыз Республикасынын Жергиликтүү өз алдынча башкаруу иштери боюнча улуттук агенттигинин директорунун орун басары (макулдашуу боюнча);

Кулбаев А.С. - Кыргыз Республикасынын Жогорку Кеңешинин депутаты (макулдашуу боюнча);

Маматов С.М. - Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы боюнча мамлекеттик агенттиктин директорунун орун басары;

Мокенов А.А. - Кыргыз Республикасынын экономикалык өнүгүү жана соода министринин орун басары;

Орозов Т.Б. - Чаткал районунун мамлекеттик администрация башчысы - акими;

Рыскулов У.М. - Ала-Бука районунун мамлекеттик администрация башчысы - акими;

Төрөбаев Б.Э. - Кыргыз Республикасынын Жогорку Кеңешинин депутаты (макулдашуу боюнча);

Эшназаров Н.А. - Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттиктин директорунун орун басары.

(КР Өкмөтүнүн 2009-жылдын 30-мартындагы № 136-б буйругунун редакциясына ылайык)

2. Ведомстволор аралык комиссияга:

- мамлекеттик органдардын тийиштүү адистерин, ошондой эле кез карандысыз эксперттерди ишке тартууга уруксат берилсин;

- түзүлгөн кырдаалды жөнгө салуу боюнча сунуштарды бир айлык мөөнөттүн ичинде Кыргыз Республикасынын Өкмөтүнө киргизсин.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын энергетика жана минералдык ресурстар бөлүмүнө жүктөлсүн.