КР Министрлер Кабинетинин 2022-жылдын 11-февралындагы № 57-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 18-марты № 97-б

Кыргыз Республикасында маалыматтык коопсуздукту камсыз кылуу максатында:

1. Критерийлерди иштеп чыгуу жана мамлекеттик объекттердин маалыматтык коркунуч деңгээлине карата категорияларын белгилөө боюнча жана "Лицензиялоо жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" Кыргыз Республикасынын Мыйзам долбоорун иштеп чыгуу боюнча ведомстволор аралык жумушчу топ төмөнкүдөй курамда түзүлсүн:

Орозалиев Н.С. - Кыргыз Республикасынын Өкмөтүнө караштуу Маалыматтык ресурстар жана технологиялар мамлекеттик агенттигинин директорунун орун басары, ведомстволор аралык жумушчу топтун жетекчиси;

Күрүчбеков З.А. - Кыргыз Республикасынын Өкмөтүнө караштуу Маалыматтык ресурстар жана технологиялар мамлекеттик агенттигинин маалыматтык коопсуздук бөлүмүнүн начальниги, ведомстволор аралык жумушчу топтун жетекчисинин орун басары;

Бейшекенов Б.М. - Кыргыз Республикасынын Транспорт жана коммуникациялар министрлигинин алдындагы "Өкмөттүк байланыш" мамлекеттик ишканасынын директору;

Абдраев К.А. - Кыргыз Республикасынын Маданият жана маалымат министрлигинин маалыматтык саясат боюнча башкармалыгынын жетектөөчү адиси,

Дергачева Е.А. - Кыргыз Республикасынын Улуттук байланыш агенттигинин лицензиялоо, стандартташтыруу жана сертификаттоо башкармалыгынын начальниги (макулдашуу боюнча);

Жылкелдиев Э.Т. - Кыргыз Республикасынын Коргоо министрлигинин маалыматты коргоо бөлүмүнүн начальниги;

Бөрүбаева А.Т. - Кыргыз Республикасынын Транспорт жана коммуникациялар министрлигинин маалыматташтыруу бөлүмүнүн башчысы;

Бекташев Т.Ж. - Кыргыз Республикасынын Экономикалык өнүктүрүү жана соода министрлигинин экспорттук контроль, лицензиялоо жана мобилизациялоо бөлүмүнүн башчысы;

Панфилова А.В. - Кыргыз Республикасынын Улуттук банкынын маалыматтык коопсуздук жана коргоо башкармалыгынын маалыматты коргоо бөлүмүнүн начальниги (макулдашуу боюнча);

Польских С.В. - Кыргыз Республикасынын Улуттук байланыш агенттигинин стандартташтыруу жана сертификаттоо бөлүмүнүн башчысы (макулдашуу боюнча);

Сатыбалдиев Э.М. - Кыргыз Республикасынын Экономикалык өнүктүрүү жана соода министрлигинин маалыматтык камсыздоо бөлүмүнүн башчысы;

Раимбеков Р.К. - Кыргыз Республикасынын Мамлекеттик улуттук коопсуздук комитетинин кызматкери.

2. Ведомстволор аралык жумушчу топ:

- мамлекеттик объекттердин категорияларын жана маалыматтык коркунуч деңгээли боюнча ресурстарды белгилөө жөнүндө Кыргыз Республикасынын Өкмөтүнүн чечиминин долбоорун 2008-жылдын 15-апрелине чейинки мөөнөттө даярдасын;

- өндүрүшкө мамлекеттик лицензия киргизүү, Кыргыз Республикасында маалыматты өткөрүп берүү жана коргоо каражаттарын сатуу бөлүгүндө "Лицензиялоо жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" Кыргыз Республикасынын Мыйзам долбоорун 2008-жылдын 1-июлуна чейинки мөөнөттө иштеп чыксын.

3. Ведомстволор аралык жумушчу топко адистерди жана консультанттарды ишке тартууга белгиленген тартипте уруксат берилсин.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын коргонуу, укуктук тартип жана өзгөчө кырдаалдар бөлүмүнө жүктөлсүн.