КР Министрлер Кабинетинин 2022-жылдын 11-февралындагы № 57-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 21-ноябры № 607-б

Кыргыз Республикасынын эл жазуучусу Асанбек Стамовдун туулган күнүнүн 70-жылдыгына арналган иш-чараны даярдоо жана өткөрүү максатында:

1. Уюштуруу комитети төмөнкүдөй курамда түзүлсүн:

Сыйданов К. - Кыргыз Республикасынын Чүй облусунун мамлекеттик администрация башчысы - губернатор, уюштуруу комитетинин төрагасы;

Айдаров О.Б. - Кыргыз Республикасынын маданият жана маалымат министринин орун басары, уюштуруу комитетинин төрагасынын орун басары.

Уюштуруу комитетинин мүчөлөрү:

Ногоев А.И. - Кыргыз Республикасынын айыл, суу чарба жана кайра иштетүү өнөр жай министри;

Сатаров А.А. - Кыргыз Республикасынын Улуттук телерадиокорпорациясынын башкы директорунун орун басары (макулдашуу боюнча);

Аринов Д.Р. - Чүй облусунун Москва районунун мамлекеттик администрация башчысы - аким;

Сакебаев Э.А. - Чүй облусунун Жайыл районунун мамлекеттик администрация башчысы - аким;

Султанов О. - Кыргыз Республикасынын Улуттук Жазуучулар союзунун төрагасы (макулдашуу боюнча);

Молдокасымов К.С. - "Кыргыз Туусу" басма үйүнүн директору – башкы редактор;

Ааматов М.А. - акын, Кыргыз Республикасынын маданиятына эмгек сиңирген ишмер (макулдашуу боюнча);

Эралиев С.Э. - Кыргыз Республикасынын эл акыны (макулдашуу боюнча);

Артыкбаев К.А. - Кыргыз Республикасынын эл акыны (макулдашуу боюнча);

Дүйшеев Ш.Д. - Кыргыз Республикасынын эл акыны (макулдашуу боюнча);

Карымшаков С.К. - профессор, адабиятчы (макулдашуу боюнча);

Бейшенбаев К.Б. - ишкер (макулдашуу боюнча).

2. Уюштуруу комитети юбилейлик иш-чараны даярдоо жана өткөрүү боюнча иш-чаралар планын иштеп чыксын жана бекитсин.

3. Юбилейлик иш-чараны өткөрүү менен байланышкан чыгымдар демөөрчүлүк каражаттардын эсебинен жүргүзүлсүн.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.