КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 4-сентябры № 494-б

Каркыра капчыгайындагы мамлекеттик чек ара линиясынын өтүшүн иликтөө жана жергиликтүү калкка кырдаалды түшүндүрүү үчүн:

1. Тиркемеге ылайык курамда жумушчу комиссия түзүлсүн.

2. Жумушчу комиссиясынын мүчөлөрү 2009-жылдын 7-9-сентябрында Ысык-Көл облусуна командировкага жиберилсин.

3. Командировкалык чыгымдар "Командировкалык чыгымдардын нормаларын белгилөө жана алардын ордун толтуруу тартиби жөнүндө" Кыргыз Республикасынын Өкмөтүнүн 2008-жылдын 26-августундагы № 471 токтомуна ылайык командировкага жиберүүчү уюмдардын эсебинен төлөнсүн.

Каркыра капчыгайындагы мамлекеттик чек ара линиясынын

өтүшүн иликтөө жана жергиликтүү калкка кырдаалды

түшүндүрүү үчүн жумушчу комиссиясынын

КУРАМЫ

Айтмурзаев Н.Т. - Кыргыз Республикасынын Өкмөт Аппаратынын жетекчиси - министр, жумушчу комиссиянын төрагасы;

Аламанов С.К. - Кыргыз Республикасынын Өкмөтүнүн Аппаратынын региондук проблемалар бөлүмүнүн башчысы;

Алышбаев К.К. - Ысык-Көл облусунун мамлекеттик администрация башчысынын биринчи орун басары;

Жапаров С.Н. - Кыргыз Республикасынын Коррупциянын алдын алуу боюнча мамлекеттик агенттигинин комиссары (макулдашуу боюнча);

Дүйшөмбиев А.О. - Кыргыз Республикасынын Жергиликтүү өз алдынча башкаруу иштери боюнча улуттук агенттигинин директорунун орун басары (макулдашуу боюнча);

Исаев Т.К. - Кыргыз Республикасынын ички иштер министринин орун басары;

Казакбаев Р.А. - Кыргыз Республикасынын тышкы иштер министринин биринчи орун басары;

Керимкулов С.К. - Ысык-Көл облусунун Түп районунун мамлекеттик администрация башчысы (макулдашуу боюнча);

Кулматов К.К. - Кыргыз Республикасынын Мамлекеттик бажы комитетинин төрагасынын биринчи орун басары;

Мамасадыков Р.А. - Кыргыз Республикасынын Мамлекеттик улуттук коопсуздук комитетинин төрагасынын орун басары;

Орозалиев Т. - Кыргыз Республикасынын Жогорку Кеңешинин депутаты (макулдашуу боюнча).