КР Өкмөтүнүн 2014-жылдын 4-февралындагы № 27-б буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 3-марты № 83-б

(КР Өкмөтүнүн 2009-жылдын 13-майындагы № 210-б

буйругунун редакциясына ылайык)

1. Кыргыз Республикасынын Өкмөтү менен Автомобиль транспортунун эл аралык союзунун (АТЭАС) ортосундагы Азия менен Европанын арасында жана дүйнөдөгү негизги рыноктордун арасында жүктөрдү Кыргыз Республикасынын аймагы аркылуу автотранспорт менен ташууну өнүктүрүү жагында өз ара түшүнүшүү жөнүндө меморандумдун расмий тилде тиркелген долбоору жактырылсын.

2. Кыргыз Республикасынын Транспорт жана коммуникациялар министрлигинин статс-катчысы Мамаев Кубанычбек Абдрахманович жогоруда аталган Меморандумга принциптүү эмес мүнөздөгү оңдоолорду киргизүү укугу менен Кыргыз Республикасынын Өкмөтүнүн атынан кол коюуга ыйгарым укук берилсин.

 (КР Өкмөтүнүн 2009-жылдын 13-майындагы № 210-б буйругунун редакциясына ылайык)