КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 8-сентябры № 503-б

Кыргыз Республикасынын эл артисти, композитор жана аткаруучу Үтөбаев Шамшибек Тагаевичтин сөөгүн коюуну уюштуруу үчүн:

1. Төмөнкүдөй курамда уюштуруу комитети түзүлсүн:

Раев С.А. - Кыргыз Республикасынын маданият жана маалымат министри, уюштуруу комитетинин төрагасы;

Исмаилов М.А. - Бишкек шаарынын биринчи вице-мэри;

Сыдыков Ү. - Кыргыз Республикасынын коомдук жана саясий ишмери (макулдашуу боюнча);

Мамыров Н. - "Ноокен ата" коомдук фондунун президенти, тууганы (макулдашуу боюнча);

Конгантиев К.Т. - Кыргыз Республикасынын Президентинин кеңешчиси (макулдашуу боюнча);

Асанбаев К. - Кыргыз Республикасынын Композиторлор союзунун төрагасы (макулдашуу боюнча);

Сагындыков Т.С. - Жалал-Абад облусунун Ноокен районунун мамлекеттик администрация башчысы.

2. Жарандык коштошуу ырасымы 2009-жылдын 10-сентябрында саат 10.00дө Ч.Айтматов атындагы мамлекеттик улуттук орус драма театрында өткөрүлсүн.

3. Бишкек шаарындагы Ала-Арча көрүстөнү сөөк коюла турган жер болуп аныкталсын.

4. Маркумдун үй-бүлөсүнө материалдык жардам көрсөтүү үчүн Кыргыз Республикасынын Өкмөтүнүн резервдик фондунан 100000 (жүз миң) сом бөлүнсүн.