КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 19-сентябры № 535-б

Кыргыз Республикасынын Өкмөтүнүн 2008-жылдын 2-декабрындагы № 660 "Кыргыз Республикасынын Өкмөтүнүн балдар адабияты жаатындагы сыйлыгы жөнүндө" токтомуна ылайык:

1. Кыргыз Республикасынын Өкмөтүнүн кыргыз тилиндеги балдар адабияты жаатындагы сыйлыгы төмөнкүлөргө ыйгарылсын:

- эң мыкты поэзия чыгармасы үчүн:

Каныбек Жунушевге - "Жашынмак", "Бака, бака балчак", "Бир орундуу самолет", "Бал курсак" балдар ырлары жыйнактары үчүн;

Жакыпбек Абдылдаевге - "Бал челек" ырлар китеби үчүн;

- эң мыкты проза чыгармасы үчүн:

Сулайман Рысбаевге - "Айбийке сулуу" жыйнагы үчүн;

- мамлекеттик тилдеги эң мыкты котормо үчүн:

Салижан Жигитовго (өлгөндөн кийин) - А.С.Пушкиндин "Алтын балык жөнүндөгү жомок" аттуу жомогунун котормосу үчүн;

Абдыкерим Муратовго - түрк элдеринин жомокторунун "Чоң энемдин алтын сандыгы" аттуу котормосу үчүн.

2. Сыйлоого байланышкан чыгымдарды каржылоо Кыргыз Республикасынын Маданият жана маалымат министрлигинин 2009-жылдагы бюджетинин чегинде жүргүзүлсүн.

3. Бул буйрук жалпыга маалымдоо каражаттарында жарыялансын.