КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 30-сентябры № 544-б

Германия Федеративдүү Республикасынын Берлин шаарында жыл сайын өткөрүлүүчү "Жашыл жумалык 2010" эл аралык көргөзмөсү 2010-жылдын 15-24-январында өткөрүлүшүнө байланыштуу:

1. Жыл сайын өткөрүлүүчү "Жашыл жумалык 2010" эл аралык көргөзмөсүнө Кыргыз Республикасынын даярдыгы жана катышуусу боюнча өкмөттүк комиссия (мындан ары - Өкмөттүк комиссия) төмөнкүдөй курамда түзүлсүн:

Кыргыз Республикасынын Премьер-министри, комиссиянын төрагасы;

Кыргыз Республикасынын айыл, суу чарба жана кайра иштетүү өнөржай министри, комиссиянын төрагасынын орун басары.

Комиссия мүчөлөрү:

Кыргыз Республикасынын Германия Федеративдүү Республикасындагы Атайын жана толук ыйгарым укуктуу элчиси;

Кыргыз Республикасынын тышкы иштер министринин орун басары, Кыргыз Республикасынын транспорт жана коммуникациялар министринин орун басары;

Кыргыз Республикасынын финансы министринин орун басары;

Кыргыз Республикасынын экономикалык өнүгүү жана соода министринин орун басары;

Кыргыз Республикасынын айыл, суу чарба жана кайра иштетүү өнөржай министринин орун басары;

"Кыргызресурстары" мамлекеттик ишканасынын башкы директору;

Кыргыз Республикасынын Соода-өнөржай палатасынын президенти (макулдашуу боюнча);

"Кыргызстандагы Райффайзен кооперативдерин өнүктүрүү фонду" коомдук фондунун төрагасы (макулдашуу боюнча);

Ош облусунун мамлекеттик администрация башчысы - губернатор, Жалал-Абад облусунун мамлекеттик администрация башчысы - губернатор;

Нарын облусунун мамлекеттик администрация башчысы - губернатор;

Баткен облусунун мамлекеттик администрация башчысы - губернатор;

Ысык-Көл облусунун мамлекеттик администрация башчысы - губернатор;

Чүй облусунун мамлекеттик администрация башчысы - губернатор;

Талас облусунун мамлекеттик администрация башчысы - губернатор.

2. Өкмөттүк комиссия төмөнкүлөрдү иштеп чыксын жана бекитсин:

- жыл сайын өткөрүлүүчү "Жашыл жумалык 2010" эл аралык көргөзмөсүнө Кыргыз Республикасынын катышуу программасын;

- жыл сайын өткөрүлүүчү "Жашыл жумалык 2010" эл аралык көргөзмөсүнө Кыргыз Республикасынын катышуусуна байланышкан иш-чаралардын планын жана чыгымдардын сметасын.

2. Министрликтер, мамлекеттик комитеттер, администрациялык ведомстволор, жергиликтүү мамлекеттик администрациялар жана жергиликтүү өз алдынча башкаруу органдары (макулдашуу боюнча) эки жумалык мөөнөттө төмөнкүлөрдү берсин:

- Өкмөттүк комиссиянын жыл сайын өткөрүлүүчү "Жашыл жумалык 2010" эл аралык көргөзмөсүнө Кыргыз Республикасынын катышуу программасына карата сунуштарын;

- жыл сайын өткөрүлүүчү "Жашыл жумалык 2010" эл аралык көргөзмөсүнө катышууну каалаган ишканалардын тизмесин.

4. Бул буйруктун аткарылышын контролдоо Кыргыз Республикасынын Өкмөтүнүн Аппарат жетекчиси - министрге жүктөлсүн.