КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 2-октябры № 559-б

Жаратылыш газын берүүнү эске алуу менен, республиканын энергетикалык секторун мамлекеттик колдоо жана 2009-2010-жылдын жылытуу сезонунан ийгиликтүү өтүү максатында:

1. Кыргыз Республикасынын Финансы министрлиги:

- "Электр станциялары" ачык акционердик коомуна 170 (жүз жетимиш) млн.сом суммасындагы бюджеттик кредит берсин;

- "Электр станциялары" ачык акционердик коому менен бюджеттик кредитти кайтаруу шарттарында карыз милдеттенмесин белгиленген тартипте түзсүн;

- бюджеттик кредитти бөлүп берүүнүн төмөнкүдөй шарттарын аныктасын:

кредитти тындыруу мөөнөтү - кредит берилген күндөн баштап 1 жылдык жеңилдетилген мезгилди берүү менен 2012-жылдын 31-декабрына чейин;

кредитти пайдалангандыгы үчүн проценттик ставкасы - жылына 3 процент;

тындыруунун мезгилдүүлүгү - ай сайын;

- "Кыргыз Республикасынын 2009-жылга республикалык бюджети жана 2010-2011-жылдарга божомолу жөнүндө" Кыргыз Республикасынын Мыйзамына өзгөртүүлөрдү киргизүү каралган Кыргыз Республикасынын Мыйзам долбоорун белгиленген тартипте киргизсин.

2. "Электр станциялары" ачык акционердик коомуна төмөнкүлөр сунуш кылынсын:

- жогоруда аталган бюджеттик кредитти эсептелген проценттери менен карыз милдеттенмесин тындыруу графигине так ылайыкта кайтарууну камсыз кылуу;

- бюджеттик кредиттин каражаттарын максаттуу пайдаланууну камсыз кылуу.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын энергетика жана минералдык ресурстар бөлүмүнө жүктөлсүн.