КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 10-ноябры № 636-б

Кыргыз Республикасына жаратылыш газын берүүнүн үзгүлтүккө учурашына жол бербөө жана 2009/2010-жылдагы жылытуу сезону үзгүлтүксүз өтүшүн камсыз кылуу максатында:

1. Кыргыз Республикасынын Финансы министрлиги:

- "Электр станциялары" ачык акционердик коомуна төмөнкү шарттарда 400 (төрт жүз) миллион сом өлчөмүндө бюджеттик кредит берсин:

кредитти жоюу мөөнөтү - 2009-жылдын 25-декабрына чейин;

кредитти пайдалангандыгы үчүн проценттик ставка - жылына 3 процент менен;

- "Электр станциялары" ачык акционердик коому менен белгиленген тартипте милдеттүү күрөө менен камсыз кылуу аркылуу бюджеттик кредитти кайтаруу шартында Карыз милдеттенмесин түзсүн;

- "2009-жылга Кыргыз Республикасынын республикалык бюджети жана 2010-2011-жылдарга божомол жөнүндө" Кыргыз Республикасынын Мыйзамына ушул буйруктан келип чыгуучу өзгөртүүлөрдү киргизүүнү караштыруучу Кыргыз Республикасынын Мыйзамынын долбоорун белгиленген тартипте киргизсин.

2. "Электр станциялары" ачык акционердик коомуна төмөнкүлөр сунушталсын:

- бюджеттик кредитти "Кыргызгаз" ачык акционердик коомуна карызды төлөөгө максаттуу пайдаланууну так камсыз кылуу;

- бул буйруктун 1-пунктунда көрсөтүлгөн мөөнөттө эсептелген проценти менен бюджеттик кредитти кайтарып берүүнү камсыз кылуу.

3. Бул буйруктун аткарылышын контролдоо Кыргыз Республикасынын Энергетика министрлигине жүктөлсүн.