КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 6-апрели № 148-б

Кыргыз Республикасынын Жалал-Абад облусундагы Токтогул районунун түзүлгөн күнүнүн 80 жылдыгына байланыштуу:

1. Кыргыз Республикасынын Жалал-Абад облусунун мамлекеттик администрациясынын Кыргыз Республикасынын Жалал-Абад облусундагы Токтогул районунун түзүлгөн күнүнүн 80 жылдыгына арналган салтанаттуу иш-чараларды 2009-жылы өткөрүү жөнүндө сунушу жактырылсын.

2. Кыргыз Республикасынын Жалал-Абад облусунун мамлекеттик администрациясы:

- Токтогул райондук кеңешинин сессиясынын кароосуна уюштуруу комитетинин курамы жана Кыргыз Республикасынын Жалал-Абад облусундагы Токтогул районунун түзүлгөн күнүнүн 80 жылдыгына арналган салтанаттуу иш-чараларды даярдоо жана өткөрүү планы боюнча сунуштарды киргизсин;

- юбилейлик иш-чараларды каржылоону демөөрчүлүк каражаттардын жана жергиликтүү бюджеттердин резервдик мүмкүнчүлүктөрүнүн эсебинен жүргүзсүн.

3. Министрликтер, мамлекеттик комитеттер, администрациялык ведомстволор Жалал-Абад облусунун мамлекеттик администрациясы менен макулдашуу боюнча Кыргыз Республикасынын Жалал-Абад облусундагы Токтогул районунун түзүлгөн күнүнүн 80 жылдыгына арналган салтанаттуу иш-чараларды даярдоого жана өткөрүүгө көмөк көрсөтүшсүн.