КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 11-майы № 207-б

Негизги тамак-аш азыктарын керектөөнүн физиологиялык нормаларын иштеп чыгуу максатында:

1. Төмөнкүдөй курамда жумушчу топ түзүлсүн:

Кошматов Б.Т. - Кыргыз Республикасынын айыл, суу чарба жана кайра иштетүү өнөржай министринин орун басары, топтун жетекчиси;

Мансурова А.М. - Кыргыз Республикасынын Айыл, суу чарба жана кайра иштетүү өнөржай министрлигинин сапатты өнүктүрүү жана азык-түлүк коопсуздугу бөлүмүнүн башчысы;

Рысбекова Ж.Б. - Кыргыз Республикасынын Эмгек жана социалдык өнүктүрүү министрлигинин социалдык саясатты талдоо жана болжолдоо башкармалыгынын начальниги;

Гайдамак Н.А. - Кыргыз Республикасынын Улуттук статистика комитетинин айыл чарба статистикасы бөлүмүнүн башчысы (макулдашуу боюнча);

Есенаманова М.К. - Кыргыз мамлекеттик медициналык академиясынын гигиеналык сабактар кафедрасынын тамактануу гигиенасы, диетология курсунун башчысы;

Асаналиева Ж.С. - Кыргыз Республикасынын Саламаттык сактоо министрлигинин алдындагы Мамлекеттик санитардык-эпидемиологиялык көзөмөл департаментинин мамлекеттик санитардык көзөмөл бөлүмүнүн адиси;

Базарбаев Т.Р. - Кыргыз Республикасынын Финансы министрлигинин Реалдуу секторду каржылоо саясаты башкармалыгынын реалдуу сектор бөлүмүнүн адиси;

Султанкулова М.Ж. - Кыргыз Республикасынын Айыл, суу чарба жана кайра иштетүү өнөржай министрлигинин сапатты өнүктүрүү жана азык-түлүк коопсуздугу бөлүмүнүн жетектөөчү адиси;

Сүйүнбек уулу Семетей - Кыргыз Республикасынын Экономикалык өнүгүү жана соода министрлигинин мамлекеттик программалар башкармалыгынын түзүмдүк жана администрациялык реформалар бөлүмүнүн жетектөөчү адиси;

Кушубакова М.Ы. - Кыргыз Республикасынын Саламаттык сактоо министрлигинин Мамлекеттик санитардык-эпидемиологиялык көзөмөл департаментинин мамлекеттик санитардык көзөмөл бөлүмүнүн адиси.

2. Жумушчу топ 2009-жылдын 1-июлуна чейинки мөөнөттө негизги тамак-аш азыктары боюнча керектөөнүн физиологиялык нормаларын иштеп чыксын жана белгиленген тартипте Кыргыз Республикасынын Өкмөтүнүн кароосуна киргизсин.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана жаратылышты пайдалануу бөлүмүнө жүктөлсүн.