КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 18-декабры № 692-б

Япония Өкмөтүнүн долбоордук эмес грантына карата эсептелген жана тындырылбаган айып санкциялары боюнча карызды тындырууда Ош шаарынын мэриясына мамлекеттик колдоо көрсөтүү максатында:

1. Кыргыз Республикасынын Финансы министрлиги:

а) Япония Өкмөтүнүн долбоордук эмес гранты боюнча карызды тындыруунун шарттарын жарым-жартылай өзгөртүү жолу менен Ош шаарынын мэриясынын карызын Ош шаарынын мэриясы айып санкцияларын тындыруунун эсебине карыздын жалпы суммасынын 50 проценти өлчөмүндөгү төлөмдөрдү 2010-жылдын 1-июнуна чейин белгиленген тартипте төлөйт деген шартта реструктуризация жүргүзсүн;

б) Ош шаарынын мэриясы ушул буйруктун 1-пунктунун (а) пунктчасынын шарттарын аткарганда эсептелген айып санкциялары боюнча карыздын калган бөлүгү тындырылды деп эсептелсин.

2. Бул буйруктун 1-пунктунун (а) пунктчасы белгиленген мөөнөттө аткарылбаса, реструктуризация кылуу шарттары күчүн жоготоору белгиленсин.

3. Бул буйруктун аткарылышын контролдоо Кыргыз Республикасынын Финансы министрлигине жүктөлсүн.