КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2010-жылдын 20-февралы № 55-б

Бельгиянын Брюссель шаарында 2010-жылдын 23-февралында болуучу Кыргыз Республикасы - Европа Союзу кызматташтыгы боюнча Кеңештин он биринчи жыйынына катышуу үчүн:

1. Кыргыз Республикасынын делегациясы төмөнкүдөй курамда түзүлсүн:

Сарбаев Кадырбек Тельманович - Кыргыз Республикасынын Мамлекеттик тышкы иштер министри (макулдашуу боюнча);

Азылов Жыргалбек Кумарович - Кыргыз Республикасынын Бельгия Королдугундагы толук жана ыйгарым укуктуу Элчиси, Кыргыз Республикасынын Европа Союзундагы туруктуу өкүлү;

Дикамбаев Азамат Шамильевич - Кыргыз Республикасынын Өнүктүрүү, инвестициялар жана инновациялар боюнча борбордук агенттигинин жетекчисинин орун басары, Кыргыз Республикасынан Европа Союзу менен кызматташуу боюнча Улуттук координатору (макулдашуу боюнча);

Касейинов Кубат Усенкулович - Кыргыз Республикасынын айыл чарба министринин орун басары;

Чынгожоев Абдымитал Тургуналиевич - Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигинин статс-катчысы;

Бейшекеев Кыдыкбек Каниметович - Кыргыз Республикасынын Жаратылыш ресурстар министрлигинин алдындагы Суу ресурстары агенттигинин директорунун биринчи орун басары;

Джумабаев Адыл Суйунович - Кыргыз Республикасынын Өзгөчө кырдаалдар министрлигинин Өзгөчө кырдаалдарга мониторинг жүргүзүү, божомолдоо департаментинин түштүк башкармалыгынын начальниги;

Тилебалиев Айбек Алмасбекович - Кыргыз Республикасынын Мамлекеттик тышкы иштер министрлигинин Батыш өлкөлөрү департаментинин көп тараптуу кызматташуу бөлүмүнүн башчысы.

2. Кыргыз Республикасынын делегация мүчөлөрүнүн жогоруда аталган жыйынга катышуусуна байланыштуу чыгымдар Кыргыз Республикасынын Өкмөтүнүн 2008-жылдын 26-августундагы № 471 "Командировкалык чыгымдардын нормаларын белгилөө жана алардын ордун толтуруунун тартиби жөнүндө" токтомуна ылайык жиберүүчү уюмдардын эсебинен төлөнсүн.