КР Өкмөтүнүн

2011-жылдын 29-апрелиндеги № 147-б буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2010-жылдын 30-марты № 103-б

1. Кыргыз Республикасынын Өкмөтүнүн 2009-жылдын 8-октябрындагы № 572-б буйругуна төмөнкүдөй толуктоо жана өзгөртүүлөр киргизилсин:

- 2-пункттун үчүнчү абзацы "ар тараптуу" деген сөздөрдөн кийин "системалуу түрдө" деген сөздөр менен толукталсын;

- 3-пункта "ишканалар жана уюмдар майыптар үчүн интернат-үйлөргө жана интернат-мектептерге ар тараптуу колдоо көрсөтүшсүн" деген сөздөр "Кыргыз Республикасынын Социалдык фонду (макулдашуу боюнча), ишканалар жана уюмдар майыптар үчүн интернат-үйлөргө жана Интернат-мектептерге жана согуштун, эмгектин, Кыргыз Республикасынын Куралдуу күчтөрүнүн жана укук коргоо органдарынын ардагерлеринин уюмуна ар тараптуу колдоо көрсөтүшсүн" деген сөздөргө алмаштырылсын;

- буйруктун бүткүл тексти боюнча түрдүү жөндөмөдөгү "Эмгек жана социалдык өнүктүрүү министрлиги" деген сөздөр "Өкмөтүнө караштуу Социалдык камсыз кылуу мамлекеттик агенттиги" деген тийиштүү жөндөмөдөгү сөздөр менен алмаштырылсын.

2. Кыргыз Республикасынын Саламаттык сактоо министрлиги, Кыргыз Республикасынын Билим берүү жана илим министрлиги, Кыргыз Республикасынын Эмгек, ишке орноштуруу жана миграция министрлиги, Кыргыз Республикасынын Социалдык фонду (макулдашуу боюнча) бир жумалык мөөнөттө Кыргыз Республикасынын Өкмөтүнө караштуу Социалдык камсыз кылуу мамлекеттик агенттигине системалуу түрдө ар тараптуу колдоо көрсөтүүнү талап кылган майыптар жана кары-картаңдар үчүн үй-интернаттардын жана мектеп-интернаттардын, балдар үйлөрүнүн, коомдук уюмдардын тизмесин берсин.

3. Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги 2010-жылдын 30-апрелине чейинки мөөнөттө белгиленген тартипте Кыргыз Республикасынын Өкмөтүнүн 2010-жылдын 19-февралындагы № 110 "Бүткүл дүйнөлүк социалдык адилеттүүлүк күнүн өткөрүү жөнүндө" токтомуна өзгөртүүлөрдү жана толуктоолорду киргизүү тууралуу Кыргыз Республикасынын Өкмөтүнүн чечиминин долбоорун киргизсин.