КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 29-декабры № 223-б

Шаар курулуш жана архитектура эстелигин, ошондой эле Кыргыз Республикасынын Улуттук китепканасынын фондун сактоо максатында:

Кыргыз Республикасынын Финансы министрлиги Кыргыз Республикасынын Улуттук китепканасынын имаратынын чатырына капиталдык ремонт жүргүзүү үчүн төмөнкүлөрдү ишке ашырсын:

- «Капиталдык салымдар» беренеси боюнча республикалык бюджеттин чыгымдарын кайра бөлүштүрүүнүн эсебинен Кыргыз Республикасынын Маданият жана маалымат министрлиги үчүн 2010-жылы 5000000 (беш миллион) сом бөлүп берсин;

- Кыргыз Республикасынын Маданият жана маалымат министрлигинин 2011-жылга чыгашалар сметасында 7000000 (жети миллион) сом караштырсын;

- «Кыргыз Республикасынын 2010-жылга республикалык бюджети жана 2011-2012-жылдарга божомолу жөнүндө» Кыргыз Республикасынын Мыйзамына тиешелүү өзгөртүүлөрдү киргизүү тууралуу сунуштарды белгиленген тартипте киргизсин.