КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 5-августу № 424-б

(КР Өкмөтүнүн 2013-жылдын 12-августундагы № 328-б буйругунун редакциясына ылайык)

Эл аралык байланыштарды чыңдоо жана сергек жашоо образын пропагандалоо максатында, ошондой эле "Азия - кызматташтык жана тынчтык региону" девизи алдында VIII Эл аралык Ысык-Көл спорт оюндарына катышуучуларынын көптөгөн кайрылууларын эске алып:

1. "Азия - кызматташтык жана тынчтык региону" девизи алдында Кыргыз Республикасынын Ысык-Көл облусунун аймагында эл аралык Ысык-Көл спорт оюндары (мындан ары - Спорт оюндары) жыл сайын өткөрүлсүн.

2. Кыргыз Республикасынын Өкмөтүнө караштуу Дене тарбия жана спорт мамлекеттик агенттиги:

- Спорт оюндары жөнүндө жобону иштеп чыксын жана бекитсин;

- (КР Өкмөтүнүн 2013-жылдын 12-августундагы № 328-б буйругуна ылайык күчүн жоготту)

3. Спорт оюндарын даярдоо жана өткөрүү боюнча уюштуруу комитетинин тиркелген курамы бекитилсин.

3-1. Спорт оюндарын даярдоо жана өткөрүү боюнча уюштуруу комитети курорттук-рекреациялык мекемелердин арыздарын кароонун жыйынтыгы боюнча жыл сайын аймагында Спорт оюндары өтө турган курорттук-рекреациялык мекемени аныктасын.

4. Кыргыз Республикасынын Финансы министрлиги Спорт оюндарын даярдоого жана өткөрүүгө байланышкан чыгымдарды Кыргыз Республикасынын Өкмөтүнө караштуу Дене тарбия жана спорт мамлекеттик агенттиги тийиштүү жылга каралган каражаттардын чегинде өз убагында каржылоону камсыз кылсын.

5. Кыргыз Республикасынын Ички иштер министрлиги Спорт оюндарын өткөрүү мезгилинде коопсуздукту камсыз кылсын.

6. Кыргыз Республикасынын Тышкы иштер министрлиги Спорт оюндарына катышкан командалардын мүчөлөрүнө визаларын тариздөөгө өз убагында жардам көрсөтсүн.

7. Кыргыз Республикасынын Саламаттык сактоо министрлиги Спорт оюндарынын катышуучуларын медициналык тейлөөнү камсыз кылсын.

8. Улуттук телерадиокорпорациясына Спорт оюндарынын жүрүшүн жыл сайын чагылдыруу сунушталсын.

9. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, спорт жана маданият бөлүмүнө жүктөлсүн.

Спорт оюндарын даярдоо жана өткөрүү

боюнча уюштуруу комитетинин

КУРАМЫ

 (КР Өкмөтүнүн 2013-жылдын 12-августундагы № 328-б  буйругунун редакциясына ылайык)

Кыргыз Республикасынын вице-премьер-министри, уюштуруу комитетинин төрагасы;

Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин директору, уюштуруу комитетинин төрагасынын орун басары.

Уюштуруу комитетинин мүчөлөрү:

Кыргыз Республикасынын финансы министри;

Кыргыз Республикасынын саламаттык сактоо министри;

Кыргыз Республикасынын ички иштер министри;

Кыргыз Республикасынын маданият, маалымат жана туризм министри;

Кыргыз Республикасынын тышкы иштер министринин орун басары;

Кыргыз Республикасынын Өкмөтүнүн Кыргыз Республикасынын Ысык-Көл облусундагы ыйгарым укуктуу өкүлү;

Кыргыз Республикасынын Өкмөтүнө караштуу Дене тарбия жана спорт мамлекеттик агенттигинин директорунун орун басары;

Кыргыз Республикасынын Коомдук телерадиокорпорациясынын башкы директору (макулдашуу боюнча);

Кыргызстандын Профсоюздар федерациясынын төрагасы (макулдашуу боюнча).".