КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 5-августу № 425-б

Шабдан баатырдын туулган күнүнүн 170 жылдыгына арналган иш-чараларга даярдык көрүү жана өткөрүү максатында:

1. Төмөнкүдөй курамда уюштуруу комитети түзүлсүн:

Абдуллаева У.А. - Кыргыз Республикасынын вице-премьер-министри, уюштуруу комитетинин төрагасы;

Кумаров Б.С. - Чүй облусунун мамлекеттик администрациясынын башчысы - губернатор, уюштуруу комитетинин төрагасынын орун басары;

Исаков К. - "Шабдан Баатыр" фондунун директору, уюштуруу комитетинин төрагасынын орун басары (макулдашуу боюнча).

Уюштуруу комитетинин мүчөлөрү:

Абдырасаков Б.Т. - Кыргыз Республикасынын Жогорку Кеңешинин депутаты (макулдашуу боюнча);

Арсалиев Э.С. - Кыргыз Республикасынын Жогорку Кеңешинин депутаты (макулдашуу боюнча);

Койчубаков Н. - Кыргыз Республикасынын Жогорку Кеңешинин депутаты (макулдашуу боюнча);

Султанов М.А. - Кыргыз Республикасынын финансы министри;

Раев С.А. - Кыргыз Республикасынын маданият жана маалымат министри;

Мусаев А.И. - Кыргыз Республикасынын билим берүү жана илим министри;

Тюлеев Н.Т. - Бишкек шаарынын мэри (макулдашуу боюнча);

Эшимканов М.А. - Кыргыз Республикасынын Улуттук телерадиокорпорациясынын башкы директору (макулдашуу боюнча);

Жоробекова Ш.Ж. - Кыргыз Республикасынын Улуттук илимдер академиясынын президенти;

Беделбаев А. - Кыргыз Республикасынын Улуттук илимдер академиясынын Коомдук илимдер бөлүмүнүн окумуштуу катчысы;

Жуманалиев А. - Кыргыз Республикасынын Улуттук илимдер академиясынын Тарых институтунун бөлүм башчысы;

Айтбаев К.С. - Чүй облусунун Кемин райондук мамлекеттик администрациясынын башчысы - аким;

Султанбаева А.Ж. - Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнүн эксперти;

Абдылдабек кызы Жаңыл - Шабдан баатырдын тууганы (макулдашуу боюнча);

Кадыралиев Т. - жеке ишкер (макулдашуу боюнча);

Сагындыков А. - жеке ишкер (макулдашуу боюнча).

2. Уюштуруу комитети эки айлык мөөнөттө юбилейлик иш-чараларды даярдоо жана өткөрүү боюнча иш-чаралардын планын иштеп чыксын жана бекитсин.

3. Юбилейлик иш-чараларды өткөрүүгө байланыштуу чыгымдар демөөрчүлүк каражаттардын эсебинен ишке ашырылсын.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө тапшырылсын.