КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 14-августу № 443-б

Ысык-Көл облусунун Түп-Кеген автомобил жолун капиталдык оңдоо жана абалын жакшыртуу долбоорун ылдам ишке ашыруу максатында:

1. Кыргыз Республикасынын Финансы министрлиги:

- Ысык-Көл облусунун Түп-Кеген автомобил жолун капиталдык оңдоо үчүн 200,0 (эки жүз) миллион сом бөлсүн;

- "Кыргыз Республикасынын 2009-жылга республикалык бюджети жана 2010-2011-жылдарга божомолу жөнүндө" Кыргыз Республикасынын Мыйзамына белгиленген тартипте өзгөртүүлөрдү киргизсин.

2. Кыргыз Республикасынын Транспорт жана коммуникациялар министрлиги белгиленген тартипте:

- бөлүнгөн каражаттарды максаттуу жана натыйжалуу пайдаланууну камсыз кылсын;

- бөлүнгөн каражаттардын максаттуу пайдаланышы жөнүндө отчетту Кыргыз Республикасынын Финансы министрлигине квартал сайын берип турсун.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.