КР Өкмөтүнүн

2011-жылдын 10-январындагы № 2-б буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 4-августу № 19-р

"Жер казынасы жөнүндө" Кыргыз Республикасынын Мыйзамынын 16-беренесине ылайык, Тереккан, Перевальное алтын кендерин комплекстүү жана сарамжалдуу иштетүүгө инвестицияларды тартуу жана Терексай аянтын геологиялык изилдөө максатында:

1. Төмөнкүдөй курамда конкурстук комиссия (мындан ары - комиссия) түзүлсүн:

Жумалиев К.Н. - Кыргыз Республикасынын жаратылыш ресурстар министри, комиссиянын төрагасы;

Стамбеков А.М. - Кыргыз Республикасынын Убактылуу Өкмөтүнүн Аппаратынын энергетика жана минералдык ресурстар бөлүмүнүн башчысы, комиссиянын төрагасынын орун басары.

Комиссиянын мүчөлөрү:

Мамбеталиева Ж.Ж. - Кыргыз Республикасынын юстиция министринин орун басары;

Муканбетов С.Т. - Кыргыз Республикасынын экономикалык жөнгө салуу министринин орун басары;

Кылжыев С.А. - Кыргыз Республикасынын финансы министринин орун басары;

Таласбай уулу Акматбек - Жалал-Абад облусунун Чаткал райондук мамлекеттик администрациясынын башчысы;

Какитаев К.К. - Кыргыз Республикасынын Жаратылыш ресурстар министрлигинин жер казынасын пайдалануу укугун жөнгө салуу башкармалыгынын начальниги, комиссиянын катчысы.

2. Комиссия он күндүк мөөнөттө:

- Тереккан, Перевальное алтын кендерин иштетүү жана Терексай аянтын геологиялык изилдөө максатында жер казынасын пайдалануу укугуна конкурс өткөрүүнүн шарттарын жана тартибин иштеп чыксын жана бекитсин;

- болуучу конкурс жөнүндө жалпыга маалымдоо каражаттарына жарыяласын.

3. Бул тескеменин аткарылышын контролдоо Кыргыз Республикасынын Президентинин Администрациясынын тийиштүү бөлүмүнө жүктөлсүн.