КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 29-октябры № 155-р

"Автомобилдик жолдор жөнүндө" Кыргыз Республикасынын Мыйзамынын 11-беренесине ылайык:

1. Кыргыз Республикасынын Транспорт жана коммуникациялар министрлиги белгиленген тартипте:

- 2010-жылга жана андан аркы жылдарга республикалык бюджетте автомобилдик жолдорду оңдоо жана пайдалануу үчүн Кыргыз Республикасынын Транспорт жана коммуникациялар министрлигине каралган финансылык каражаттардын эсебинен жана алардын чегинде Жалал-Абад облусунун Аксы районунун узундугу 15 км болгон Ак-Суу - Тегене автомобилдик жолун оңдосун;

- оңдоо иштери аяктагандан кийин жогоруда аталган автомобилдик жолду оперативдүү башкарууга кабыл алсын.

2. Бул тескеменин аткарылышын контролдоо Кыргыз Республикасынын Президентинин Администрациясынын өнөр жай, транспорт жана коммуникациялар бөлүмүнө жүктөлсүн.