КЫРГЫЗ РЕСПУБЛИКАСЫНЫН УБАКТЫЛУУ ӨКМӨТҮ

ТЕСКЕМЕ

2010-жылдын 12-апрели УӨ № 57

Кыргыз Республикасынын Мамлекеттик күзөт кызматынын

товардык-материалдык баалуулуктарын тизмеге

алуу боюнча жоюу комиссиясы жөнүндө

(КР Убактылуу Өкмөтүнүн

2010-жылдын 21-апрелиндеги УӨ № 148 буйругунун

редакциясына ылайык)

"Кыргыз Республикасынын Мамлекеттик күзөт кызматын жоюу жөнүндө" Кыргыз Республикасынын Убактылуу Өкмөтүнүн 2010-жылдын ___-апрелиндеги № ___ Декретине ылайык:

1. Кыргыз Республикасынын Мамлекеттик күзөт кызматынын товардык-материалдык баалуулуктарын тизмеге алуу боюнча тиркемеге ылайык курамдагы жоюу комиссиясы түзүлсүн.

2. Жоюу комиссиясы эки айлык мөөнөттө Кыргыз Республикасынын Мамлекеттик күзөт кызматын жоюу боюнча Кыргыз Республикасынын мыйзамдарында каралган иш-чараларды, анын ичинде төмөнкүлөрдү жүргүзсүн:

- Кыргыз Республикасынын Мамлекеттик күзөт кызматынын мүлкүн эсептөөнү жана баалоону жүргүзсүн;

- Кыргыз Республикасынын Мамлекеттик күзөт кызматынын тиешелүү штаттарын, документтерин жана материалдык-техникалык каражаттарын белгиленген тартипте Кыргыз Республикасынын Мамлекеттик улуттук коопсуздук кызматына жана Кыргыз Республикасынын Коргоо министрлигине өткөрүп берсин.

3. Ушул тескеменин аткарылышын контролдоо Кыргыз Республикасынын Убактылуу Өкмөтүнүн Аппаратына жүктөлсүн.

Кыргыз Республикасынын Мамлекеттик күзөт кызматынын

товардык-материалдык баалуулуктарын тизмеге

алуу боюнча жоюу комиссиясынын

КУРАМЫ

 (КР Убактылуу Өкмөтүнүн

2010-жылдын 21-апрелиндеги УӨ № 148 буйругунун

редакциясына ылайык)

1. С.В.Терещенко - Кыргыз Республикасынын Мамлекеттик улуттук коопсуздук кызматынын төрагасынын орун басарынын милдетин аткаруучу, комиссиянын төрагасы;

2. Ш.Г.Султанов - Кыргыз Республикасынын коргоо министринин орун басары, комиссиянын төрагасынын орун басары;

3. Д.Т.Зилалиев - Кыргыз Республикасынын Убактылуу Өкмөтүнүн Аппаратынын Коргоо, коопсуздук жана укук коргоо органдарынын иштери боюнча бөлүм, комиссиянын мүчөсү;

4. Э.Б.Эсеналиев - Кыргыз Республикасынын Коргоо министрлиги, комиссиянын мүчөсү;

5. К.Н.Абдырасулов - Кыргыз Республикасынын Коргоо министрлиги, комиссиянын мүчөсү;

6. Б.С.Качкынбаев - Кыргыз Республикасынын Улуттук коопсуздук мамлекеттик кызматы, комиссиянын мүчөсү;

7. Г.Б.Рыспаева - Кыргыз Республикасынын Улуттук коопсуздук мамлекеттик кызматы, комиссиянын мүчөсү;

8. Л.И.Вишнякова - Кыргыз Республикасынын Улуттук коопсуздук мамлекеттик кызматы, комиссиянын мүчөсү;

9. А.Халилов - Кыргыз Республикасынын Мамлекеттик күзөт кызматы, комиссиянын мүчөсү;

10. И.О.Маямеров Кыргыз Республикасынын Мамлекеттик күзөт кызматы, комиссиянын мүчөсү;

11. И.Ю.Рыжко - Кыргыз Республикасынын Мамлекеттик күзөт кызматы, комиссиянын мүчөсү.