КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2010-жылдын 13-сентябры № 77-р

"Экономикалык башкаруу жаатындагы потенциалды байытуу" гранттык долбоорун ишке ашыруунун жүрүшүндө координациялоону жана контролдоону камсыздоо максатында:

1. Кыргыз Республикасынын Өкмөтүнүн 2008-жылдын 29-октябрындагы № 566-б буйругуна төмөнкүдөй өзгөртүү киргизилсин:

- 1-пункту төмөнкүдөй редакцияда баяндалсын:

"1. "Экономикалык башкаруу жаатындагы потенциалды байытуу" гранттык долбоору боюнча байкоочу кеңеш (мындан ары - Байкоочу кеңеш) төмөнкүдөй курамда түзүлсүн:

Кыргыз Республикасынын экономикалык жөнгө салуу министри, Байкоочу кеңештин төрагасы;

Кыргыз Республикасынын Президентинин Администрациясынын экономикалык өнүктүрүү жана мониторинг бөлүмүнүн башчысынын орун басары - региондук мониторинг секторунун башчысы, Байкоочу кеңештин төрагасынын орун басары.

Байкоочу кеңештин мүчөлөрү:

Кыргыз Республикасынын Экономикалык жөнгө салуу министрлигинин статс-катчысы;

Кыргыз Республикасынын Финансы министрлигинин статс-катчысы;

Кыргыз Республикасынын Улуттук банкынын төрагасынын орун басары (макулдашуу боюнча);

Кыргыз Республикасынын Мамлекеттик кадр кызматынын директорунун орун басары;

"Бишкек ишкер клубу" коомдук бирикмесинин аткаруучу директору (макулдашуу боюнча).".

2. Кыргыз Республикасынын Өкмөтүнүн 2009-жылдын 22-апрелиндеги № 174-б буйругу күчүн жоготту деп табылсын.

3. Бул тескеменин аткарылышын контролдоо Кыргыз Республикасынын Президентинин Администрациясынын экономикалык өнүктүрүү жана мониторинг бөлүмүнө жүктөлсүн.