КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 21-сентябры № 94-р

1. Кыргыз Республикасынын Өкмөтү менен Ислам Өнүктүрүү Банкынын ортосундагы Жийде декларациясы - II этап программасынын алкагындагы иш-чаралардын кыска мөөнөттүк планынын экинчи фазасынын чегинде буудайдын жогорку сапаттуу үрөндөрүн сатып алууну каржылоо үчүн акысыз каражат берүү жөнүндө гранттык макулдашуунун (КYR - 031) (мындан ары Гранттык макулдашуу) расмий тилде тиркелген долбоору жактырылсын.

2. Кыргыз Республикасынын Айыл чарба министрлиги Гранттык макулдашуунун жоболорун аткаруу үчүн жооптуу мамлекеттик орган болуп белгиленсин.

3. Кыргыз Республикасынын Айыл чарба министрлигине Гранттык макулдашууну ишке ашырууга айыл чарба тармагындагы адистерди 2010-жылдын республикалык бюджетинде аталган министрликтин сарптоолорун каржылоо үчүн каралган каражаттын чегинде ишке тартууга укук берилсин.

4. Кыргыз Республикасынын айыл чарба министрине Гранттык макулдашууга принциптүү эмес мүнөздөгү өзгөртүүлөрдү жана толуктоолорду киргизүү укугу менен Кыргыз Республикасынын атынан кол коюуга ыйгарым укук берилсин.