КЫРГЫЗ РЕСПУБЛИКАСЫНЫН ӨКМӨТҮ

ТЕСКЕМЕ

2010-жылдын 5-ноябры № 164-р

Кыргыз Республикасынын Граждандык кодексинин жана "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын жоболоруна ылайык жана Кыргыз Республикасынын Убактылуу Өкмөтүнүн Аппарат жетекчисинин 2010-жылдын 7-майындагы № 33-р тескемеси менен түзүлгөн жоюу комиссиясынын ишинин жыйынтыгы боюнча:

1.  Кыргыз Республикасынын Президентинин институтунун жоюлган төмөнкү структураларынын жоюу баланстары бекитилсин:

- Кыргыз Республикасынын Президентинин Аппараты;

- Кыргыз Республикасынын Президентинин Секретариаты;

- Кыргыз Республикасынын Президентинин Коргонуу, коопсуздук жана укуктук тартип маселелери боюнча мамлекеттик кеңешчисинин кызматы;

- Кыргыз Республикасынын Өнүктүрүү, инвестициялар жана инновациялар боюнча борбордук агенттиги.

2. Кыргыз Республикасынын Президентинин Иш башкармасы Кыргыз Республикасынын Президентинин институтунун жоюлган структураларынын иштери токтотулганын Кыргыз Республикасынын Юстиция министрлигинде белгиленген тартипте каттоодон өткөрсүн.