КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 29-июлу № 320-б

Мамлекеттик бюджеттин киреше бөлүгүн аткаруу максатында:

1. Кыргыз Республикасынын Социалдык фонду, Кыргыз Республикасынын Өкмөтүнө караштуу Мамлекеттик салык кызматы, Кыргыз Республикасынын Өкмөтүнө караштуу Мамлекеттик бажы кызматы жана Кыргыз Республикасынын Финансы министрлигинин Борбордук казыналыгы үчүн 2011-жылдын 30-июлу жумуш күнү болуп белгиленсин.

2. Кыргыз Республикасынын Улуттук банкына, Кыргыз Республикасынын бардык коммерциялык банктарына жана Кыргыз Республикасынын Финансы министрлигинин Борбордук казыналыгынын агенттерине 2011-жылдын 30-июлун жумуш күнү деп жарыялоо сунушталсын.