КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 28-июлу № 315-б

Нарын облусунун Нарын шаарындагы "Мукаш-Ата" базарындагы өрттүн кесепетинен жабыр тарткандарга материалдык жардам көрсөтүү максатында:

1. Нарын облусунун Нарын шаарынын ишкерлерине келтирилген зыянды компенсациялоо менен байланышкан чыгымдар үчүн Нарын облусунун мамлекеттик администрациясына Кыргыз Республикасынын Өкмөтүнүн резервдик фондунан 2 500 000 (эки миллион беш жүз миң) сом бөлүнсүн.

2. Нарын облусунун мамлекеттик администрациясы Нарын облусунун Нарын шаарындагы "Мукаш-Ата" базарындагы өрттүн кесепетинен жабыр тарткан ишкерлерге келтирилген зыяндын суммасын аныктоо боюнча комиссияны мамлекеттик органдарын жана жергиликтүү өз алдынча башкаруу органдарынын катышуусу менен түзсүн.

3. Бул буйруктун 2-пунктунда аталган комиссия:

- "Мукаш-Ата" базарынын жабыр тарткан ишкерлеринин тизмесин түзсүн;

 -"Мукаш-Ата" базарындагы өрттүн кесепетинен жабыр тарткан ишкерлерге келтирилген зыяндын суммасын мыйзамдарда белгиленген тартипте аныктасын;

- "Мукаш-Ата" базарындагы өрттүн кесепетинен жабыр тарткан ар бир ишкердин зыянын компенсациялоонун суммасы жөнүндө сунуштарды даярдасын жана киргизсин.

4. Акча каражаттарын бөлүштүрүү үчүн жоопкерчилик Нарын облусунун мамлекеттик администрация башчысынын – губернаторунун милдетин аткаруучу Муратбеков Канатбек Камбарбековичке жүктөлсүн.

5. Бул буйруктун аткарылышын контролдоо Кыргыз Республикасынын Өкмөтүнүн Аппаратынын уюштуруу-инспектордук иштер жана аймактык башкаруу бөлүмүнө жүктөлсүн.