КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2011-жылдын 23-сентябры № 453-б

Нарын облусунун Ат-Башы районунун айыл аймактарынын жергиликтүү маанидеги автомобиль жолдорунун жана көчөлөрүнүн абалын жакшыртуу максатында:

1. Кыргыз Республикасынын Транспорт жана коммуникациялар министрлиги Бишкек-Нарын-Торугарт автомобиль жолун реабилитациялоо процессинде демонтаждалган 80 (сексен) даана темир-бетон түтүктөрдү Нарын облусунун Ат-Башы районунун мамлекеттик администрациясынын балансына акысыз негизде белгиленген тартипте өткөрүп берсин.

2. Нарын облусунун Ат-Башы районунун мамлекеттик администрациясы жогоруда аталган темир-бетон түтүктөрдү кийин жергиликтүү маанидеги автомобиль жолдорун ремонттоодо пайдалануу үчүн балансына кабыл алсын.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын транспорт, курулуш, коммуникациялар жана өзгөчө кырдаалдар бөлүмүнө жүктөлсүн.